امروز: 1شەممە 16 حوزەیران 2024 برابر با 16 حوزەیران 2024

   هەواڵەکان

   هەواڵەکان (501)

هەواڵەکان

شەممە, 10 تەمموز 2021

پۆڵەتیك پرێس// نوێنەری حكومەتی هەرێم لە تاران دەڵێت، ئەمریكا هەركات بەرژەوەندی هەبێت لە هەر وڵاتێك دەچێتە ئەو وڵاتە، كە بەرژەوەندی نەما لێی دەكشێتەوە، بەبێ‌ ئەوەی رەچاوی بەرژەوەندی ئەو وڵاتە بكات.

نازم دەباغ، نوێنەری حكومەتی هەرێم لە تاران بە پۆڵەتیك پرێسی راگەیاند: بوونی هێزەكانی ئەمریكا لە وڵاتانی ناوچەكە لەسەربنەمای حەز و ئارەزووی وڵاتانی ناوچەكە نەبووە و ناشبێت، هەمیشە لەسەر بنەمای بەرژەوەندییەكانی خۆیانە، بۆیە كاتێك پێویستیان بێت دێن كاتێكیش پێویستیان نەبێت دەگەڕێنەوە یان بڵێین كاتێك بیانەوێت شێوازی یاریەكە بگۆڕن جوڵە بە هێزەكانیان دەكەن.

نوێنەری حكومەتی هەرێم لە تاران وتی: كاتی خۆشی ئوسامە بن لادنیان نارد بۆ ئەفغانستان بەناوی موجاهیدین شەڕی یەكێتی سۆڤیەت و فراوانبوونی نفوزی كۆمۆنیستیان پێكرد، ئەمڕۆش ئەمریكا نایەوێت بۆپاراستنی بەرژەوەندییەكانی چین و ئێران و رووسیا هێزەكانی خەریكی شەڕكردن بێت لەگەڵ تالبان یان لەگەڵ داعش لە ئەفغانستان.

وتیشی: من وای بۆدەچم ئەمریكا لە ئەفغانستان ئەم شەڕەی جێهێشتووە بۆ ئەو وڵاتانەی دیكە خۆیان بیكەن وە دەیكات بە شەڕی بەوەكالەت ، وەئەمجۆرە سیاسەتە بۆ عێراق و ناوچەكەش پەیڕەودەكات ئەوەبوو لە سەردەمی نوری مالكیش جارێك هێزەكانی لە عێراق كشاندەوە و دواتر گەڕانەوە بۆ عێراق، وە ئێستا ئەمریكا ئەو هێزەی شەڕی داعشی پێدەكرد دەیهێنێتەوە بۆ عێراق.

باسی لەوەشكرد، وەك دەوترێت سیاسەت دایك و باوكی نیە، ئەو رۆژەی بەرژەوەندییان هەبێت لە ناوچەكەن ئەو رۆژانەشی بەرژەوەندییان هەبێت بكشێنەوە دەكشێنەوە و بە خەڵكی ناوچە شەڕەكانی خۆیان دەكەن.

 

https://politicpress.com/58804/

شەممە, 03 تەمموز 2021

"نازم دەباغ" نوێنەری حکومەتی هەرێمی کوردستان لە ئێران، لەگەڵ "محه‌مه‌د حاجی مه‌حموود" سکرتیری حیزبی سۆسیالیست دیمۆکڕاتی کوردستان دیداریی کرد.

 

"محه‌مه‌د حاجی مه‌حموود" سکرتیری حیزبی سۆسیالیست دیمۆکڕاتی کوردستان، ڕۆژی شەمە ڕێکەوتی ٠٣/٠٧/٢٠٢١ سەردانی نووسینگەی نوێنەرایەتی حکومەتی هەرێمی کوردستان لە شاری تارانی کرد و لە لایەن "نازم عومەر دەباغ" نوێنەری حکومەتی هەرێمی کوردستان لە وڵاتی ئێران و "سەلام عارف روشدی" جێگری نوێنەری حکومەتی هەرێمی کوردستان لە تاران، پێشوازیی لێکرا.

 

لە سه‌ره‌تای ئه‌م دیداره‌دا کە نوێنەرانی لایه‌نە سیاسییەکانی هەرێمی کوردستان له نوێنەرایه‌تی حکومەتی هەرێمی کوردستان لە شاری تاران تیایدا ئامادەبوون، به تایبه‌ت باس لە باروودۆخی هەڕێمی کوردستان و عێراق و هه‌روه‌ها بە گشتی باس لە باروودۆخی ناوچەکە کرا.

 

له درێژه‌ی ئه‌م کۆبوونەوەیه‌دا، نوێنەری حکومەتی هەرێمی کوردستان لە ئێران، باسی باروودۆخی هەرێمی کوردستان و عێراقی کرد و له‌م باره‌یه‌وه بیرووڕای خۆی سەبارەت بە باروودۆخی ناوچه‌کە خستەروو.

شەممە, 26 حوزەیران 2021

 گاڤ نیوز – تایبەت // نوینەرێ حکومەتا هەرێما کوردستانێ ل کۆمارا ئیسلامى یا ئیرانێ بۆ گاڤ بەحس ل سیاسەتا نوى یا ئیرانێ پشتى هەلبژارتنا سەرۆککۆمارێ نوى دكه‌ت و رادگەهینیت، سیاسەتا ئیرانێ نەگۆڕە.

هەفتیا بوورى هەلبژارتنێن ئیرانێ هاتنە کرن و ئیبراهیم رەئیسى وەک سەرۆکێ نوى هاتە هەلبژارتن و ب کەسەک نێزیکى رابەرێ شۆڕشا ئیسلامى دهێتە ناسکرن.

نازم دەباغ، نوینەرێ حکومەتا هەرێما کوردستانێ ل ئیرانێ بۆ گاڤ نیوز گۆت: پەیوەندیێن هەرێم و ئیرانێ دیرۆکى نە و د هەر گوهۆڕینەکێ دا بزاڤا باشترکرنا پەیوەندیان دهێتەکرن، بەرنامەیێ ئیرانێ د چارچۆڤێ ئیراقێ دا نەگوهۆڕى یە و د خوازیت ئیراق و هەرێم د چارچۆڤێ ئیراقەکا فیدرال دا بن.

هەروەسا گۆت ژى، گوهۆڕینا سەرۆککۆمار و هەلبژارتنا سەرۆکەکێ نوى بتنێ گوهۆڕینا سەروچاڤانە و ئیرانێ ستراتیژیەتا خۆ یا دوورمەودا هەیە و هەر کى بهێت و ببیتە سەرۆک وێ سیاسەتێ پەیرەو دکەت.

 

ل دۆر سەرەدانێن نێزیک یێن سەرکردەیێن هەرێمێ بۆ ئیرانێ گۆت: هەمى دەمان دەرگەهێن سەرەدانان بۆ هەردو ئالیان ڤەکرینە و هەردەما بهێتە خواستن ل گۆرى پێدڤیێ سەرەدان دهێنە کرن.

https://gavnews.net/2021-06-25-%D9%86%D9%88%DB%8C%D9%86%DB%95%D8%B1%DB%8E_%D9%87%DB%95%D8%B1%DB%8E%D9%85%DB%8E_%D9%84_%D8%A6%DB%8C%D8%B1%D8%A7%D9%86%DB%8E_%D8%A8%DB%86_%DA%AF%D8%A7%DA%A4:_%D8%B3%DB%8C%D8%A7%D8%B3%DB%95%D8%AA%D8%A7_%D8%A6%DB%8C%D8%B1%D8%A7%D9%86%DB%8E_%D9%84_%D9%87%D9%87%E2%80%8C%D9%85%D8%A8%D9%87%E2%80%8C%D8%B1%D9%89_%D9%87%D9%87%E2%80%8C%D8%B1%DB%8E%D9%85%DB%8E_%DB%8C%D8%A7_%D9%86%DB%95%DA%AF%DB%86%DA%95%DB%95/

 

یەک شەممە, 20 حوزەیران 2021

 نوێنەری حكومەتی هەرێم لە تاران دەڵێت، هەڵبژاردنی سەرۆكی نوێی ئێران كاریگەری نابێت لەسەر سیاسەتی ئەو وڵاتە بەوپێیەی سیاسەتی ئێران لەلایەن رابەری باڵای كۆماری ئیسلامی ئێرانەوە داڕێژراوە و ستراتیجی و نەگۆڕە.

نازم دەباغ، نوێنەری حكومەتی هەرێم لە تاران بە پۆڵەتیك پرێسی راگەیاند: هەڵبژاردنی سەرۆكایەتی كۆماری ئیسلامی ئێران كە چوار ساڵ جارێك ئەنجام دەدرێت تەنها گۆڕانكارییە لە كەسەكاندا ئەگینا پێم وانیە گۆڕینی سەرۆككۆمار لە ئێران ببێتە هۆی گۆڕانكاری لە سیاسەت و پەیوەندییەكانی لەگەڵ عێراق یان هەرێمی كوردستان و دنیای دەرەوە.

نوێنەری حكومەتی هەرێم لە تاران وتی:ئەو سیاسەتەی كۆماری ئیسلامی ئێران هەیەتی ستراتیجییە و داڕێژراوە بە سەرپەرشتی رابەری كۆماری ئیسلامی ئێران، چونكە رابەر لە ناو ئێراندا خاوەنی دەسەڵاتی سەرەتا و كۆتاییە، بۆیە پێم وانیە گۆڕانكاری لە پۆستی سەرۆككۆماردا گۆڕینێكی ئەوتۆبێت.

وتیشی: پێم وایە گرنگی عێراق و هەرێمی كوردستان بۆ كۆماری ئیسلامی ئێران جێگای خۆی هەیە بە ئاسانی ئەم پەیوەندییانە ناگۆڕدرێن بەڵكو لە هەوڵدا دەبن بۆ باشكردنی.

نازم دەباغ، باسی لەوەكرد دەربارەی پەیوەندی سەرۆككۆماری نوێ‌ لەگەڵ كورد دیارە پەیوەندی و ناسینی و ئاشنایەتییەكی راستەوخۆی نەبووە لەگەڵ كورد بەڵام ئەو دەزگا و ئۆرگانانەی ئەو پەیوەندی پێوە هەبووە وەكو كەسێكی كاریزما لە ناو سوپای كۆماری ئیسلامی ئێرانی لە رابردوو ئێستادا ئاگاداری هەیە وە ئەو شتەی لە رابردوودا هەبووە لەلای كۆماری ئیسلامی ئێران هەمان ئەوشتە رادەستی حكومەتی نوێی ئێران دەكرێت.

روونیشیكردەوە ئەوەی گرنگە باسی بكەین بۆیەكەمجارە لە كۆماری ئیسلامی ئێران دەزگای جێبەجێكار و دەزگای چاودێری واتە پەرلەمان لەگەڵ یەك بن بە واتای ئەوەی زۆرینەی پەرلەمان یەك دەنگ و یەك دەستن لەگەڵ سەرۆكایەتی حكومەتی نوێی ئێران ئەمەش یارمەتیدەرە بۆ حكومەت تا كارێكیان بوێت لە رێگای پەرلەمانەوە ئەنجامی بدەن.

رۆژی 18_6_2021 سیانزە هەمین خولی هەڵبژاردنی سەرۆكایەتی ئێران بەڕێوەچوو، سەیید ئیبراهیم رەئیسی وەك سەرۆككۆماری نوێی ئەو وڵاتە هەڵبژێردرا.

 

https://politicpress.com/55469/

 

شەممە, 19 حوزەیران 2021
نوێنەری حکومەتی هەرێمی کوردستان لە ئێران ڕایدەگەیەنێت" ئیبراهیم ڕەئیسی سەرۆکی هەڵبژێردراوی ئێران، چەند مانگێک لەمەوبەر لایەنە کوردیەکانی لە بەغدا بینیووە و چەند ڕاسپاردەیەکی پێداون".

نازم دەباغ نوێنەری حکومەتی هەرێم لە ئێران لە چاوپیکەوتنێکدا بە بەشی کوردی دەنگی ئەمریکای ڕاگەیاند" ئیبراهیم ڕەئیسی کاتێک سەرۆکی دەزگای دادوەری ئێران بوو، لایەنە سیاسیەکانی هەرێمی بینیووە و هەندێک ڕاسپاردە و ئامۆژگاری پێداون، وتی، ڕەئیسی ورد و درشتی کێشەکانی هەرێم و عێراق ئاگادارە، هەڵبژاردنی کارناکاتە سەر گۆڕینی سیاسەتی ئێران بەرامبەر عێراق و هەرێم، چونکە پەیوەندی ئێران لەگەڵ کورد، مێژوویەکی دوور و درێژی هەیە". 
 
سەبارەت بە ڕاسپاردەکانی ڕەئیسی بۆ لایەنە کوردیەکان کە چەند مانگێک لەمەوبەر لەبەغدا پێیداون، نازم دەباغ ئاماژە بەوە دەکات" ڕاسپاردەکان پەیوەندیان بە لایەنە ئۆپۆزسیۆنەکانەکانی ئێرانەوە هەبووە، هەروەها وەفدە کوردیەکەی بەسەرۆکایەتی هۆشیار زێباری لەگلەییەکانی ئێران ئاگادارکردووەتەوە، لەوەی کۆمەڵێک خەڵک لەدادگای ئێران داواکراون و هەڵدێن بۆ عێراق و هەرێم و جێگیردەبن، پێویستە هاوکاری هەبێت تا کەسانی تاوانبار نەتوانن هەرێم بکەنە پەناگەی خۆیان". 
 
بەڕای نازم دەباغ، ئێران پلان و ستراتیژی خۆی هەیە، کە لەشورای باڵای ئەمنییەتی وڵاتەوە دەرەچێت،ئەو ئەنجومەنە پێکهاتەیەکی ئاسایشی و ئەمنی هەیە و نوێنەرایەتی هەموو دەزگاکانی تێدایە،ئەنجومەنەکە بەرنامەی دەرەکی و ئاسایشی دادەڕێژێت و حکومەت جێبەجێی دەکات، بۆیە گۆڕینی سەرۆک زۆر کاریگەری نابێت.
 
دەربارەی ڕای ئێران لەسەر هەوڵی لایەنە کوردیەکان بۆ دانانی دەستورێک بۆ هەرێمی کوردستان، نوێنەری هەرێم وتی" ڕای تایبەتی ئێرانم لانییە، بەڵام تێگەیشتنی خۆم وایە، ئێران لەگەڵ ئەوەدایە، هەرێم وەکو بەشێک لەعێراق، دەستورەکەی پێچەوانەی بنەماکانی دەستوری عێراق نەبێت". 
 
لەبەشێکی تری گفتووگۆکەیدا لەگەڵ دەنگی ئەمەریکا، نازم دەباغ ئاماژەی بەهێرشەکانی تورکیا بۆ سەر هێزەکانی پەکەکە لەناو خاکی هەرێمی کوردستان کرد، دەڵێت" ڕای ئێران ئەوەیە، نابێت هیچ لایەک سنوری خاکی وڵاتی تر ببەزێنێ، ئەویتر پەیوەندی بەهەرێم خۆیەوە هەیە، تا چەند ڕێگە بەهاتنە ناوەوەی تورکیا دەدات، ئێران پێشیوایە نابێت لەناو وڵاتێکەوە پەلاماری وڵاتێکی تر بدرێت، ڕەنگە ئەم خاڵەش لەبەر خاتری خۆی بێت". 
 
نازم دەباغ باس لەوەش دەکات، ڕێککەوتنی نێوان ئێران و ئەمەریکا گەر سەربگرێ، دەبێتە هۆی سەقامگیری لە عێراق و ناوچەکە، پێچەوانەکەشی ڕاستە، ئەوەی ئێستاش بەدی دەکرێت، نییەتی ڕێککەوتن زیاترە، ئێران جەخت دەکاتەوە هیچ لایەنێک لەجیاتی ئەو شەڕ نەکات.
 
لەکۆتایی گفتووگۆکەیدا لەگەڵ دەنگی ئەمەریکا، نازم دەباغ نوێنەری حکومەتی هەرێم لە ئێران، سەبارەت بە ئەگەری ئامادەکردنی ئیبراهیم ڕەئیسی بۆ ڕابەری باڵای ئیسلامی ئێران و شوێنگرەوەی عەلی خامنەیی، ئاماژەی بەوەکرد کاندیدی ڕابەر تەنها ئەوە نییە کەسێکی ناسراو بێت، بەڵکو بنەمای خۆی هەیە و دەبێت پلەکەی ئایەتوڵا عوزما بێت و شارەزای دین بێت، بۆیە ناتوانرێت کەسێک بکرێتە بەرهەڵستکاری خامنەیی تا دوای ئەو ببێتە ڕابەر، ئەو پلەیەی نەبێت، وتی" مردن بەدەست خوایە، نازانین کەی ڕابەر کۆچ دەکات، بەڵام بەپێی دەستوری ئێران، ڕابەر پۆستێکی هەمیشەییە و مەرجەکەشی بوونی پلەی ئایەتوڵا عوزمایە". 

 

PM:06:27:19/06/2021
https://www.speemedia.com/dreja.aspx?=hewal&jmare=104998&Jor=1

 

سێ شەممە, 01 حوزەیران 2021

 

" لەمێژوو و دونیادا سەلمێندرا بە رێبەرایەتی ئیمام خومەینی تواندرا بێ شۆرشی چەکداری شایەکی دکتاتۆر پر تفاق و چەک و ھێز بە دروشم و ڕاپەرینی جەماوەر برووخێنیت و لەوڵات دەر بکرێت".

 

 

 

ئاژانسی هەواڵی مێهر، بەشی نێودەوڵەتی: گرینگترین نیگەرانی ڕۆژاوا لە بیروبۆچوونەکانی ئیمام خومەینی سەرهەڵدانی کەسایەتییەکی خۆشەویست بوو کە دەکرا ببێتە خاڵی هاوبەشی هەموو میلەتە ئیسلامی و عەرەبییەکان. بە لەبەرچاو گرتنی ئەو ڕاستیەی کە ئیمام خومەینی قودس و مزگەوتی ئەقسای وەک یەکمایەتییەکی ئیسلامی ناوبردەوە و گرینگی پێدا.

پێش سەرکەوتنی شۆڕشی ئیسلامی ئێران، ئەوەی زیاتر وەکوو مۆدێلی بەرەنگار بوونەوەی ئیسلامی لە گەڵ ڕۆژاوا کەڵکی لێ وەردەگیرا.مۆدێلێکی بێ کردەوە و تەنیا دروشم بوو وەکوو ئیخوان بەڵام شۆڕشی ئیسلامی ئێران کردەوە بوو.

تیۆری بەرخۆدانی ئیمام بە تایبەتمەندی جیاوازەوە بووە هۆی دروست بوونی پێکهاتەیەکی نوێ لە ناوچە. ئەدەبیاتی سیاسی و هاوسەنگی سەربازیی بۆ بەرژەوەندی گەلانی ناوچەکە گۆڕدرا. ئوردوگا و چەمکی دەسەڵاتی نوێ پێک هات گەرچی دەسەڵاتی سەربازی و بەرگری لە خۆ دەگرێت بەڵام ناوەرۆکێکی پڕبایەخ بە ناوی خەباتی سیاسی و پراکتیکیشی هەیە.

لەم رۆژانەدا کە لە ساڵوەگەڕی کۆچی دوایی ئیمام خومەینی ڕێبەر و بنیاتنەری شۆڕشی ئیسلامی ئێران نزیک دەبینەوە هەستاوین بە شرۆڤەی ئەندێشە ناوازەکانی ئیمام خومەینی لەو سەردەمەدا و هەروەها باس لە هۆکارەکانی دژبەریی ڕۆژاوا لە گەڵ هزر و ئەندێشەی ئەو ڕێبەرەی ئێران دەکەین.

لەم پێناوەدا هەواڵنێری مێهر دیمانەیەکی لە گەڵ مامۆستا نازم دەباغ، نوێنەری حکومەتی هەرێمی کوردستان لە تاران ساز داوە کە بڵاو دەبێتەوە.

سەرهەڵدانی شۆڕشی ئیسلامی ئیران و بەرەنگاریی گەلانی ئێران لە گەڵ ستەمی ڕژێمی شا بە سەرکردەیی ئیمام خومەینی گیانی تازەی بەبەر خەڵکی چەوساوەی جیهان و ناوچەکەدا کرد, خەڵک هیوایان زیاتر بوو کە دەکرێ بە دەستی بەتاڵ و بەڵام بە یەکگرتوویی بەرەنگاری ستەمکار ببینەوە, ڕاتان لەسەر کاریگەریی ئەندێشەکانی ئیمام خومەینی لە سەر گەلانی چەوساوەی جیهان چییە ؟

ئەزمونی شۆرشی ئیسلامی ئێران بە رابەرایەتی خوا لێخوشبوو ئیمام خومەینی ھێز و توانای بەخشیە سەر ھەموو گەلانی ئیسلامی ستەم دیدە کە دەکرێت پشتوان بەخوا و گەل شۆرش بکات دژ بە ستەم و دیکتاتۆرەکان بەرەو سەرکەوتن ببات و بەردەوام بن لەخەبات و سەرکەوتن مسۆگەر بکات.

هەموو کەسایەتییەکان و بلیمەتە سیاسییەکانی جیهان تەنانەت ئەوانەش کە دژی شۆڕشی ئیسلامی ئێران بوون دان بەوەدا دەنن کە ڕۆڵی گرینگ و کاریگەری ئیمام خومەینی ڕەوتی مێژوو و هاوکێشە جیهانییەکانی لە کاتی شۆڕشی ئیسلامی ئێران گۆڕی، بە بۆچوونی ئێوە چۆناوچۆنە کەسێک بەو شێوە ڕەوتی جهان دەگۆڕێت ؟

شۆرشی ئیسلامی ئێران نازناوی ئیمام خومەینی بەخۆوەی گرتوو سەلماندی کە رابەرێکی وەکو ئیمام خۆمەینی رابەرایەتی گەلی موسلمانی ئێران بکات و سەرکەوتن مسۆگەر بکات ،ئەزمونی شۆرشی ئیسلامی سەلماندی کە ھیچ گەلێک بێ رابەر سەرکەوتن مسۆگەر ناکات ھەروەھا ئەوەشی سەلماند رابەریش پێویستی بە گەلێکی خەبات خواز و تێکۆشەر کۆلنەدەر ھەیە،لەمێژو و دونیادا سەلمێندرا بە رێبەرایەتی ئیمام تواندرا بێ شۆرشی چەکداری شایەکی دکتاتۆر پر تفاق و چەک و ھێز بەدروشم و راپەرینی جەماوەر بروخێنیت و لەوڵات دەر بکرێت و ھیچ کەس و وڵاتێک داڵدەی نەدات ھەموی دەگەرێتەوە بۆ ھێزو توانی خوا لێخوش بوو ئیمام خومەینی ئەوە وای کرد شۆرشەکەی ئیمام بوو بە ئۆلگۆیەک بۆ ھەموو سەرکردەو گەلانی موسلمانی دونیا.

گەرانەوەی ئیمام لەفەرەنساوە بۆ ئیران ئازایەتی و بوێری ئیمام بوو کە لەگەڵ گەلەکەی بوو ،کاردانەوەی بۆسەر سەرکردەکانی دونیا ھەبوو.

شۆڕشی ئیسلامی ئێران بە ڕێبەرایەتی ئیمام خومەینی ئیلهام و سەرووی لە هیچ ئایدۆلۆژیایەک نەگرت جگە له ئیسلام و بەندیواری هیچ دەسەڵاتێکی ڕۆژهەڵاتی و ڕۆژاوایی نەبوو, ئەم تایبەتمەندییە تا چ ڕادەیەک کاریگەره لە سەر مانەوەی شۆڕشەکە و زیندوویی هەمیشەیی بۆ ئەو ئەندێشەیەی ئیمام خومەینی.

کاتێک دروشمی ئیسلامی لە کەسایەتیەکی وەکو ئیمام خومینی دەبیستی بەدڵنیاییەوە دەگەرێیتەوە بۆ راستگۆی و پشت بەستن بە خواو پابەندبوون بە پیرۆزیە کانی ئیسلام و بروا بون بەسەرکەوتن.

لەمێژوو سەلمێندرا قوتابخانەی ئیمام دوای وەفات کردنیشی ھەر زیندووە ئەوە وای کرد تەنھا فەتواو ئامۆژگارییەکانی ببێتە رێباز بۆ ئیسلامیەتی جیا لەھەموو ئایدیۆلۆجیایەک.

 

https://ku.mehrnews.com/news/37596/%D8%B4%DB%86%D8%B1%D8%B4%DB%95%DA%A9%DB%95%DB%8C-%D8%A6%DB%8C%D9%85%D8%A7%D9%85-%D8%AE%D9%88%D9%85%DB%95%DB%8C%D9%86%DB%8C-%D8%A8%D9%88%D9%88%DB%95-%D8%A6%DB%86%D9%84%DA%AF%DB%86-%D8%A8%DB%86-%DA%BE%DB%95%D9%85%D9%88%D9%88-%DA%AF%DB%95%D9%84%D8%A7%D9%86%DB%8C-%D9%85%D9%88%D8%B3%D9%84%D9%85%D8%A7%D9%86%DB%8C-%D8%AF%D9%88%D9%86%DB%8C%D8%A7

پەڕەى 7 لەکۆى 84 پەڕەدا

دوایین هەواڵ

راپۆڕتەکانی پڕ بینەر

حالت های رنگی