امروز: 1شەممە 16 حوزەیران 2024 برابر با 16 حوزەیران 2024

   هەواڵەکان

   هەواڵەکان (501)

هەواڵەکان

یەک شەممە, 03 تەمموز 2022

"نازم ده‌باغ" نوێنه‌رى حکومه‌تى هه‌رێمى کوردستان له‌ شاری تاران، له‌گه‌ڵ خاتوو "لیدال ساکس" باڵیۆزی ئۆستڕالیا لە وڵاتی ئێران کۆبۆوه.

 خاتوو "لیدال ساکس" Lyndall Sachs باڵیۆزی ئۆستڕالیا لە وڵاتی ئێران به هاوڕێیه‌تی له‌گه‌ڵ "لوک دوز" سکرتێری دووهەمی باڵیۆزخانەی ئۆستڕالیا لە تاران، ڕۆژی سێشەمە ڕێکەوتی  ٢٨/٠٦/٢٠٢٢ سه‌ردانی نووسینگەی نوێنەرایه‌تی حکومه‌تى هه‌رێمى کوردستان له‌ شاری تارانیان کرد و له لایه‌ن "نازم عومه‌رده‌باغ" نوێنه‌رى حکومه‌تى هه‌رێمى کوردستان له وڵاتی ئێران و هەروەها "سەلام عارف روشدی" جێگری نوێنەری حکومه‌تى هه‌رێمى کوردستان لە تاران، پێشوازیان لێکرا.

 له‌م دیداره‌دا، باسی دوا پێشهاتەکانی ناوچەکە و پەیوەندییەکانی نێوان حکومه‌تى هه‌رێمى کوردستان و عێراق و هه‌روه‌ها پێکهێنانی حکومەتی نوێی عێراق کرا.

 له به‌شێکی دیکه‌ی ئه‌م کۆبوونه‌وه‌یه‌دا، خاتوو "لیدال ساکس" باڵیۆزی ئۆسترالیا لە تاران، باسی لە گرینگی یەک هەڵوێستی لایه‌نه‌کانی هه‌رێمى کوردستانی کرد.

 هه‌روه‌ها "نازم ده‌باغ" نوێنه‌رى حکومه‌تى هه‌رێمى کوردستان له ئێران، جەختی لە یەک هەڵوێستی لایانەکان کرده‌وه و خوازیاری پتەوکردن و بەردەوامی پەیوەندییەکانی نێوان وڵاتی ئۆسترالیا و حکومەتی هه‌رێمى کوردستان بوو.

یەک شەممە, 12 حوزەیران 2022

"نازم ده‌باغ" نوێنه‌رى حکومه‌تى هه‌رێمى کوردستان له‌ شاری تاران، له‌گه‌ڵ خاتوو "ماثیو" بەرپرسی بەشی سیاسی باڵیۆزخانەی وڵاتی بریتانیا لە وڵاتی ئێران دیداریی کرد.

خاتوو "ماثیو" بەرپرسی بەشی سیاسی باڵیۆزخانەی وڵاتی بریتانیا لە تاران، ڕۆژی سێشەممە ڕێکەوتی ٠٧/٠٦/٢٠٢٢ سه‌ردانی نووسینگەی نوێنەرایه‌تی حکومه‌تى هه‌رێمى کوردستان له‌ شاری تارانی کرد و له لایه‌ن "نازم عومه‌رده‌باغ" نوێنه‌رى حکومه‌تى هه‌رێمى کوردستان له وڵاتی ئێران و هەروەها "سەلام عارف روشدی" جێگری نوێنەری حکومه‌تى هه‌رێمى کوردستان لە تاران، پێشوازیان لێکرا.

له‌م دیداره‌دا، بەرپرسی بەشی سیاسی باڵیۆزخانەی وڵاتی بریتانیا لە تاران، تیشکی خستە سەر پەیوەندییەکانی نیوان وڵاتی بریتانیا و حکومه‌تى هه‌رێمى کوردستان و عێراق و هەروەها باسی پێکهێنانی حکومەتی داهاتووی عێراقی کرد.

له درێژه‌ی ئه‌م کۆبوونه‌وه‌یه‌دا، "نازم ده‌باغ" نوێنه‌رى حکومه‌تى هه‌رێمى کوردستان له تاران، سوپاسی هاوکارییەکانی وڵاتی بریتانیا بۆ هەرێمی کوردستانی کرد و داوای کرد که ئەو هاوکاریی و پەیوەندیانه‌ی نیوان دوو لایه‌ن بەردەوام بێت.

سێ شەممە, 08 شوبات 2022

"نازم عومەر دەباغ" نوێنەری حکومەتی هەرێمی کوردستان لە ئێران، پەیامی پیرۆزبایی ئاراستەی مامۆستا "عیرفان عەلی عەبدوالعەزیز" ڕابەری گشتی بزووتنەوەی ئیسلامی کوردستان دەکات.

دەقی پەیامی پیرۆزبایی "نازم دەباغ" نوێنەری حکومەتی هەرێمی کوردستان لە تاران لە خوارەوەدا هاتوو: 

"بە بۆنەی سەرکەوتنی کۆنگرەکەتان و هەڵبژاردنی بەڕێزتان بە ڕابەرایەتی گشتی بزووتنەوەی ئیسلامی کوردستان، بە ناوی خۆم و نوێنەرایەتی حکومەتی هەرێمی کوردستان لە کۆماری ئیسلامی ئێران، پیرۆزباییەکی گەرم لە بەڕێزتان و گشت برادەرانی شۆڕای مەکتەبی سیاسی دەکەین. 

بە هیوای سەرکەوتن و هۆکار بۆ پتەوکردنی پەیوەندییەکان و دروستبوونی یەکڕیزی و تەبایی لە هەرێمی کوردستان." 

 

لەگەڵ ڕێزدا   

"نازم عومەر" نوێنەری حکومەتی هەرێمی کوردستان ـ ئێران

دوو شەممە, 31 ک دووەم 2022

"نازم ده‌باغ" نوێنه‌رى حکوومه‌تى هه‌رێمى کوردستان له‌ شاری تاران، له‌گه‌ڵ خاتوو "ئەمەل جەلال" سەرۆكی دەستەی گشتی گەشتوگوزاری حکوومه‌تى هەرێمی کوردستان دیداریی کرد.

خاتوو "ئەمەل جەلال" سەرۆكی دەستەی گشتی گەشتوگوزاری حکوومه‌تى هەرێمی کوردستان، به هاوڕێیه‌تی له‌گه‌ڵ شاندی یاوەریی رۆژی یەکشەمە ڕێکەوتی ٣٠/١١/٢٠٢٢ سه‌ردانی نووسینگەی نوێنەرایه‌تی حکوومه‌تى هه‌رێمى کوردستان له‌ شاری تارانیان کرد و له لایه‌ن "نازم ده‌باغ" نوێنه‌رى حکوومه‌تى هه‌رێمى کوردستان له وڵاتی ئێران و ستافی نوێنەرایەتی پێشوازیان کرد.  

له‌م دیداره‌دا، "نازم ده‌باغ" ویڕای به‌خێرهاتنی شاندی دەستەی گشتی گەشتوگوزاری حکوومەتی هەرێمی کوردستان بۆ وڵاتی ئێران، باسی لە پەڕەپێدانی گەشتوگوزار له نێوان ئێران و هەرێمی کوردستان کرد و ئاماده‌یی نوێنەرایه‌تی حکوومه‌تى هه‌رێمى کوردستان بۆ هاوکاریی کردنی زیاتریی ئه‌م جۆره په‌یوه‌ندیانه‌ی ڕاگه‌یاند.

 

دوو شەممە, 24 ک دووەم 2022
رووداو دیجیتاڵ // نوێنەری حکومەتی هەرێمی کوردستان لە کۆماری ئیسلامیی ئێران رایگەیاند، ئێران بە پارتی و یەکێتی راگەیاندووە کە ئاساییە ئەگەر بە دوو بەربژێر بچنە نێو ململانێی بەدەستهێنانی پۆستی سەرۆککۆماری عێراقەوە.
 
ئەمڕۆ دووشەممە 24.1.2022 نازم دەباغ، نوێنەری حکومەتی هەرێمی کوردستان لە کۆماری ئیسلامیی ئێران بە تۆڕی میدیایی رووداوی راگەیاند، ئێران لەبارەی پۆستی سەرۆککۆماری عێراقەوە پەیامی خۆی بە پارتی دیموکراتی کوردستان و یەکێتیی نیشتمانیی کوردستان داوە و پێیگوتوون، ئاساییە ئەگەر بە دوو بەربژێر بچنە نێو ململانێی بەدەستهێنانی پۆستی سەرۆککۆماری عێراقەوە و ئەندامانی ئەنجوومەنی نوێنەرانی عێراق با ئازادبن لەوەی کە دەنگ بە کام بەربژێر دەدەن.
 
لە مانگی تشرینی دووەمی 2021دا ئیسماعیل قائانی، فەرماندەی سوپای قودسی ئێران سەردانی بەغدای کرد و لەگەڵ حیزب و کەسایەتییە سیاسییەکان کۆبووەوە. ئەوکات نازم دەباغ بە رووداوی گوت:' قائانی هۆشداریی بە پارتی و یەکێتیی داوە کە نەچنە نێو ململانێی شیعە-شیعەوە و پاڵپشتی لایەنی زۆرینە بکەن بۆ پێکهێنانی حکومەتی عێراق.
 
لە دوای هەڵبژاردنی پێشوەختەی عێراق لە 10ی ئۆکتۆبەری ساڵی 2021، پارتی و یەکێتی لە چەندین لێدوان و چەند کۆبوونەوەیەکدا جەختیان لە یەکدەنگیی کورد لە بەغدا کردەوە، بەڵام یەکلانەبوونەوەیان لەسەر پۆستی سەرۆککۆمار، شاندی هەردوو لایەنەکەی هەرێمی کوردستانی لە بەغدا لێکجیاکردەوە. ئەمە لە کاتێکدایە کە تاوەکو ئێستاش لایەنە شیعەکان دابەشی دوو بەرە بوون کە یەکێکیان بەرەی سەدرییەکانە بە سەرۆکایەتی موقتەدا سەدر و ئەوی دیکەشیان چوارچێوەی هاوئاهەنگییە بە سەرۆکایەتی نووری مالکی و هادی عامری.
 
لە ساڵی 2005ـەوە، پۆستی سەرۆککۆماری عێراق بۆ کورد، سەرۆکوەزیران بۆ شیعە و سەرۆکی پەرلەمان بۆ سوننەکان بووە. لە ساڵی 2005ـەوە پۆستەکەی کورد لەلای یەکێتیی نیشتمانیی کوردستان بووە؛ ئەم خولە پارتی دیموکراتی کوردستان دەیەوێت بەربژێری خۆی بۆ کۆشکی سەلام سەربخات.
 
پارتی، هۆشیار زێباری بۆ پۆستی سەرۆککۆماری عێراق بەربژێر کردووە و یەکێتیش بەرهەم ساڵح.
 
https://www.rudaw.net/sorani/kurdistan/2401202229
دوو شەممە, 24 ک دووەم 2022
نازم دەباغ: ئێران تەبایی كورد لە هەرێم و شیعە لە عێراق وەك یەك سەیر دەكات
جەختیشیكردەوە، ئاسان نییە بە ناوی زۆرینەی پەرلەمانییەوە بەشێكی زۆری لایەنە شیعەكانی نزیك لە ئێران بكرێنە دەرەوە.
پەڕەى 3 لەکۆى 84 پەڕەدا

دوایین هەواڵ

راپۆڕتەکانی پڕ بینەر

حالت های رنگی