هەواڵەکان (501)
هەواڵەکان
دواڕۆژ، پشتیوان جەمال
نوێنەری حكومەتی هەرێم لە تاران رایدەگەیەنێت: لەهەڵبژاردنی بەرهەم ساڵح بۆ سەركۆمار و راسپاردنی عادل عەبدولمەهدی بۆ پێكهێنانی حكومەتی نوێ، گۆڕانێكی تازە لەبیركردنەوەی هێزە سیاسییەكان دروستبووە و پێیوایە لەماوەی دیاریكراویشدا حكومەتی نوێ دروستدەبێت.
نازم دەباغ، نوێنەری حكومەتی هەرێمی كوردستان لە كۆماری ئیسلامی ئێران بە دواڕۆژی راگەیاند: بەپێی هەندێك زانیاری و لێكدانەوە، لە هەڵبژاردنی بەرهەم ساڵح بۆ سەرۆك كۆمار و دیاریكردنی عادل عەبدولمەهدی بۆ پێكهێنانی حكومەتی نوێ، نیشانەیەك دەركەوت كە گۆڕانێكی تازەیە لە بیركردنەوەی هێزە سیاسییەكانی عێراقی، لە كاتێكدا ئەوانەیان قبوڵكرد، دەبێت ئەو ئومێدەش هەبێت كە لەماوەی مانگێكدا حكومەتی نوێ دروست بكرێت.
سەبارەت بەوەی ئێران هاوكاری لایەنەكان دەكات بەتایبەتی عادل عەبدولمەهدی بۆ زوو پێكهێنانی حكومەتی نوێ، ناوبراو وتی: "ئێمە ئەگەر دیقەت بدەین لەڕووداوەكان، بەشێكی زۆری ئیرادەی لایەنە سیاسییەكان خۆیان بووە و كۆدەنگی لەسەر راسپاردنی ئەو كەسایەتییە هەبووە".
نازم دەباغ وتیشی: "پێموایە ئێران لایەنی خێرە بۆ چارەسەركردنی كێشەكانی عێراق، چونكە ئێران وا لە عێراق دەڕوانێت كە ئاڵۆزییەكانی بە ئاسانی بۆ ناوخۆی خۆی دەگوازرێتەوە".
شەوی 2-10-2018 بەرهەم ساڵح سەرۆك كۆماری عێراق، عادل عەبدولمەهدی بۆ دروستكردنی حكومەتی نوێ لەماوەی 30 رۆژدا راسپارد.
ئاژانسی مێهر، به‌شی نێونه‌ته‌وه‌یی - سومه‌یه خومارباقی: دواجار ڕۆژی سێ شه‌مه نوێنه‌رانی پارلمانی عێراق بۆ هه‌ڵبژاردنی سه‌رۆک کۆماری عێراق ده‌نگیان دا و به‌رهه‌م ساڵح و به سه‌رۆک کۆماری نوێی ئه‌م وڵاته هه‌ڵبژێردرا.
به‌رهه‌م ساڵح ئه‌زموونی سیاسی زۆری هه‌یه و په‌یوه‌ندی ناوچه‌یی و جیهانی زۆر باشی له‌گه‌ڵه. ئه‌و له ۲۰۰۱وه تاکوو ۲۰۰۴ سه‌رۆک وه‌زیرانی هه‌رێمی کوردستان بووه.
هه‌روه‌ها له ساڵی ۲۰۰۴ جێگری یه‌که‌می ئه‌یاد عه‌لاوی وه‌ک سه‌رۆک وه‌زیرانی عێراق بوو، جێگری نوری مالکی له نێوان ۲۰۰۶ بۆ ۲۰۰۹ بوو، وه‌زیری پلان دانان له ده‌وڵه‌تی ئیبراهیم جه‌عفه‌ری بوو له ساڵی ۲۰۰۵.
هه‌ر به‌م بۆنه‌وه له‌گه‌ڵ نازم ده‌باغ، نوێنه‌ری حکومه‌تی هه‌رێمی کوردستان له تاران گفتوگۆمان کردووه که پێشکه‌ش ده‌کرێت.
* به‌رهه‌م ساڵح سه‌ره‌ڕای دابڕانی له یه‌کێتی هاته‌وه بۆ ناو ئه‌م حزبه و دواجار له ڕکابه‌ری فواد حوسه‌ین سه‌رکه‌وت، بۆچی به‌رهه‌م ساڵح گه‌ڕایه‌وه ناو یه‌کێتی؟
پیرۆزبایی که به‌رهه‌م ساڵح ده‌که‌م، پێشتر ناکۆکی ڕاوبۆچوون له نێوان ئاندامانی یه‌کێتی و به‌رهه‌م ساڵحدا بوو، به ئه‌نجام نه‌گه‌یشت و هه‌ر به‌م بۆنه‌وه به‌رهه‌م ساڵح خۆی به‌شداری هه‌ڵبژاردنی پارلمانی عێراقی کرد به لیستێکی سه‌ربه‌خۆ.
به‌ڵام دواجار ئه‌ندامانی یه‌کێتی و بنه‌ماڵه‌ی مام جه‌لال به پێویستیان زانی که به‌رهه‌م ساڵح بگه‌ڕێته‌وه و ببێته به‌ربژاری سه‌رۆک کۆماری عێراق. ئه‌گه‌رچی به‌رهه‌م ساڵح کێشه‌ی له‌گه‌ڵ ئه‌ندامانی یه‌کێتی هه‌بووه به‌ڵام هه‌میشه ڕایگه‌یاندووه که له سه‌ر ڕێچکه‌ی تاڵبانییه و ئیش بۆ جێبه‌جێ کردنی بۆچوونه‌کانی ده‌کات.
به‌رهه‌م ساڵح و دوکتور فواد حسه‌ین هه‌ر دووکیان پێکه‌وه بۆ سه‌رۆک کۆماری عێراق کێبه‌رکێیان کرد و ئه‌مه‌ش ته‌نیا بۆ خزمه‌ت کردن به خه‌ڵک بوو نه‌ک هیچی دیکه.
له ڕاستیدا گه‌ڕانه‌وه به‌رهه‌م ساڵح بۆ ناو یه‌کێتی بۆ جێبه‌جێ کردنی سیاسته‌کانی مام جه‌لال و په‌ره‌دان به چاکسازی و به‌هێز کردنی یه‌کێتی نیشتمانی چ له ناوخۆ و ناوچه‌که و جیهان ئه‌نجام بووه.
* به‌رهه‌م ساڵح دوای سه‌رکه‌وتن وتی که سه‌رۆک کۆماری هه‌موو عێراق ده‌بێت نه‌ک لایه‌نێکی دیاریکراو. به هۆی پێداگری پارتی بۆ ئه‌م پۆسته، داهاتووی په‌یونه‌دییه‌کانی نێوان پارتی و یه‌کێتی له داهاتوودا چۆن ده‌بێت؟
به‌رهه‌م ساڵح وه‌ک سه‌رۆک کۆماری عێراق سوێندی خواردووه که ده‌بێت ۆ یه‌کگرتوویی عێراق هه‌وڵ بدات، گرووپه سیاسییه‌کانی عێراقیش به‌شێکن له‌م خه‌ڵکه، من له سه‌ر ئه‌م بڕوایه‌م که ئه‌مه نابێته هۆی ناکۆکی نێوان لایه‌نه‌کان.
ناکۆکی هه‌یه به‌ڵام قابیلی چاره‌سه‌ر کردنه به هۆی هه‌ستی به‌رپرسیار بوونی ڕێبه‌رانی کورد، وه‌ک بارزانی که بۆ خۆشگوزه‌رانی خه‌ڵک هه‌موو هه‌وڵێکی داوه. به‌رهه‌م ساڵح ڕێزی زۆری بۆ بارزنای وه‌ک ڕێبه‌رێکی گه‌وره‌ی کورد هه‌یه و به‌م هۆیه‌وه ئاسه‌واری نه‌رێنی نابێت.
هه‌روه‌ها وه‌ک ده‌زانن ۲۱۹ پارلمانتاری عێراق چ عه‌ره‌ب و چ سونه ده‌نگیان به به‌رهه‌م ساڵح دا که نیشان ده‌دات زیاترین ده‌نگ و پشتگیری له ناو عێراقییه‌کان هه‌یه و بڕوا ناکه‌م کێشه ساز ببێت.
* به‌رهه‌م ساڵح دوای بوون به سه‌رۆک کۆماری ڕایگه‌یاند که پێبه‌ند ده‌بێت به یه‌کگرتوویی خاکی عێراق، ئایا ئه‌مه په‌یامی بۆ ئه‌و گرووپه کوردیانه نییه که له دوای سه‌ربه‌خۆین؟
به‌رهه‌م ساڵح وه‌ک سه‌رۆک کۆماری عێراق سوێندی خواردووه لێره‌دا بابه‌تی سه‌ربه‌خۆیی جێگه‌ی باس کردن نییه. له ڕاستیدا پێگه‌ی سه‌رۆک کۆماری عێراق وه‌هایه و ڕێگه به‌م شتانه نادات.
به پێی ئه‌م سوێنده ئاساییه ده‌بێت پێبه‌ند به یاسای ئه‌و وڵاته بین که تێیدا نیشته‌جێین. هه‌ر دوو گرووپه سه‌ره‌کییه‌که‌ی هه‌رێمی کوردستان به‌ربژاریان بوو به‌ڵام دواجار ئه‌وه به‌رهه‌م ساڵح بوو که له پڕۆسه‌که‌دا سه‌رکه‌وتوو بوو.
* ئایا به‌رهه‌م ساڵح ده‌توانێت گرووپه کوردییه‌کان پێکه‌وه یه‌کگرتوو بکات و له ناکۆکییه‌کانیان که‌م بکاته‌وه؟
لام وایه که ئه‌م بابه‌ته پێویستی به هه‌وڵی یه‌کجار زۆر هه‌یه. توانی به‌رهه‌م ساڵح سنوور داره به‌ڵام یه‌کێکه له به‌رنامه‌کانی. سه‌باره‌ت به ناکۆکییه‌کان ده‌بێت بڵێین که گرووپه کوردییه‌کان نه‌یان توانی که‌سێکی هاوبه‌ش بکه‌نه به‌ربژار بۆ سه‌رۆک کۆماری عێراق، ئاسته‌نگی داهاتووش ئه‌وه ده‌بێت که نه‌توانن پێکه‌وه گوتارێکی سیاسی هاوبه‌شیان هه‌بێت.
ئاسته‌نگی دیکه‌ش ئه‌وه‌یه که ڕه‌نگه نه‌توانن بۆ چاره‌سه‌ر کردنی کێشه‌کانی به‌غدا و هه‌ولێر به ڕێککه‌وتن بگه‌ن به‌ڵام من ئه‌رێنی له بابه‌ته‌کان ده‌ڕوانم چون له ڕابردوو کێشه‌کان له به‌رده‌م یه‌کگرتن زۆر زیاتر و قووڵ تر بوون.
ڕێکاری به‌رهه‌م ساڵح ئه‌وه ده‌بێت که بیسه‌ڵمێنێت به یه‌ک چاو سه‌یری هه‌موو گرووپه عێراقی و کوردییه‌کان ده‌ڕوانێت و نه‌ڵێت که من ته‌نیا ئه‌ندامی یه‌کێتی نیشتمانی کوردستان یان هه‌رێمی کوردستانم، به‌ڵکو نوێنه‌ری هه‌موو عێراقه. دووهه‌م ئه‌وه‌ی که زوو بجوڵێته‌وه بۆ یه‌کگرتوویی و نزیک کردنه‌وه‌ی هه‌موو گرووپه عێراقییه‌کان سه‌باره‌ت به چاره‌سه‌ر کردنی کێشه سیاسی و ئابووری و سه‌ربازییه‌کان هه‌نگاو هه‌ڵبگرێت.
* به‌رهه‌م ساڵح، عادڵ عه‌بدولمه‌هدی کرده به‌رپرس له پێکهێنانی کابینه‌ی نوێی عێراق، سیاسه‌تی ده‌ره‌وه‌ی عێراق به تایبه‌ت به نیسبه‌ت ئێران چۆن ده‌بینن؟
من لام وایه ئه‌مه یه‌که‌م جاره که عێراق دوو به‌رپرسی گه‌وره‌ی تێدا هه‌ڵده‌بژێردرێت که دوو که‌سی ته‌واو میانه‌ڕۆن و ده‌بنه به‌رپرس، هه‌روه‌ها ئه‌م دوو که‌سه ساڵانێکی زۆره که هاوڕێ و دۆستی یه‌کتر بوون.
به‌م هۆیه‌وه زۆر باشتر ده‌توانن کێشه‌کانی چاره‌سه‌ر بکه‌ن و سیاسه‌تێکی ده‌ره‌کی هاوبه‌شیان هه‌بێت سه‌باره‌ت به به جیهان و وڵاتانی دراوسێ. من له سه‌ر ئه‌م بڕوایه‌م که ئه‌م دوو که‌سه زۆر باش له به‌رژوه‌ندی هاوبه‌شی عێراق له‌گه‌ڵ دراوسێکانی تێگه‌یشتوون.
ئێران به‌شێکه له وڵاتانی گرنگ بۆ عێراق و ئه‌منیه‌ت عێراق و ئێران هاوبه‌شه و هه‌ر دوو لا په‌یوه‌ندی باشیان هه‌یه بۆیه پێم وایه که له سه‌رده‌می سه‌رۆک کۆماری به‌رهه‌م ساڵح په‌یوه‌ندییه‌کان له‌گه‌ڵ ئێران باش ده‌بێت.
"نازم ده‌باغ" نوێنه‌رى حکوومه‌تى هه‌رێمى کوردستان له تاران، له‌گه‌ڵ خاتوو "کارا جانسۆن مالینا" جێگری بەرپرسی نووسینگەی یۆنامی له وڵاتی ئێران دیداریی کرد.
خاتوو "کارا جانسۆن مالینا" جێگری بەرپرسی نووسینگەی یۆنامی لە تاران، رۆژی سێشەممە رێکەوتی 02/10/2018 سەردانی نووسینگەی نوێنەرایەتی حکوومەتی هەرێمی کوردستان له شاری تارانی کرد و لە لایەن "نازم عومەر ده‌باغ" نوێنەری حکوومه‌تى هه‌رێمى کوردستان له وڵاتی ئێران پێشوازی گەرمی لێکرا.
لە چاوپێکەوتنەکەدا خاتوو "کارا جانسۆن مالینا" دەربارەی هەڵبژاردنی پەڕلەمانی هەرێمی کوردستان و هەروەها حکوومەتی داهاتووی عێراق و ناوچەکە پرسیاری له نوێنه‌رى حکوومه‌تى هه‌رێمى کوردستان له تاران کرد.
لە درێژه‌ی ئه‌م کۆبوونه‌وه‌یه‌دا "نازم دەباغ" بە وردی باسی بۆ جێگری بەرپرسی نووسینگەی یۆنامی لە تاران کرد کە هەڵبژاردنی پەڕلەمانی کوردستان بە هێمنانە و بە سەرکەوتوویی بەڕێوەچوو و ڕێژەی بەشداربووان بە نیسبەتی هەڵبژاردنی عێراق ڕێک و پێکتر و باشتـر بوو.
هەروەها ڕوونی کردەوە ئەمرۆکە دانیشتنی ئەنجوومەنی نوێنەرانی عێراق لە بەغدا بەڕێوەدەچێت و بڕیارە پۆستی سەرۆک کۆمار دیاری بکرێت کە پشکی کوردە بە پێی دستووری هەمیشەیی عێراق. و پێمان باشە کورد یەک کاندیدی هەبێت بەڵام ئەگەر نەکرا دەکرێت لە پەڕلەمانی عێراق یەکلایی بکرێتەوە.
تائێستا فەرمانی بەنێودەوڵەتیکردنی ھەردوو مەرزی (پشتەو کێلێ) لەنێوان عیراق و ئێران جێبەجێ نەکراوە، نوێنەری حکومەتی ھەرێمیش لە تاران ڕایدەگەیەنێت، لەبەغدا کەس بەرپرسیارێتی ئەم بابەتانە ھەڵناگرێت.
نازم دەباغ، نوێنەری حکومەتی ھەرێم لەئێران، بە SNNی ڕاگەیاند: فەرمانی بەنێوەدەوڵەتیکردنی ھەردوو مەرزی پشتەو کێلێ، لەنێوان عیراق وئێران لەسەر پێکھێنانی حکومەتی نوێی عیراق ڕاوەستاوە.
ئاماژەی بەوەشکرد، فەرمانەکە لەئێرانەوە دەرچووە، بەڵام بەھۆی گۆڕانکاری لەحکومەتی عیراقدا، لەبەغدا کەس بەرپرسیارێتی ئەم بابەتانە ھەڵناگرێت و قسەی لەسەر ناکات.
نوێنەری حکومەتی ھەرێم لە تاران باسی لەوەشکرد، پێدەچێت دوای پێکھێنانی حکومەتی نوێی عیراق، فەرمانی بەنێودەوڵەتیکردنی ھەردوو مەرزەکە جێبەجێبکرێت و ئەمەش ئاسانکارییەکی زۆر بۆ ھاتوچۆی ھاوڵاتیان و بازرگانان دروستدەکات.
نازم دەباغ، نوێنەری حكومەتی هەرێمی كوردستان لە كۆماری ئیسلامی ئێران لە لێدوانێكدا بۆ دواڕۆژ رایگەیاند: كۆماری ئیسلامی ئێران وەكو دراوسێیەكی عێراق و هەرێمی كوردستان بەدڵنیاییەوە چاودێری پڕۆسەی هەڵبژاردنی پەرلەمانی كوردستان دەكات وەكو پڕۆسەیەكی دیموكراسی لە پێناوی هەڵبژاردنی نوێنەرەكان بەڕێگەی ئاسایی و یاسایی دوور لە توندوتیژی تا لە داهاتوودا حكومەتێكی یەكگرتوو دروستببێت.
سەبارەت بە پشتگیری ئێران بۆ لایەنێكی دیاریکراوی هەرێم، وتی: "پێموایە تائێستا ئێران کاری وای نەكردوە و لە داهاتووشدا نایكات، چونكە لە بەرژەوەندیدا نییە خۆی دەربخات كە پشتگیری لایەنێك دەكات".
وابڕیارە رۆژی 30ی ئەیلولی 2018 دەنگدانی گشتی بۆ هەڵبژاردنی خولی پێنجەمی پەرلەمانی كوردستان بەڕێوەبچێت.
نوێنه‌ری هه‌رێمی کوردستانی عێراق له ئێران ده‌ڵێت: یه‌کێتی نیشتمانیی کوردستان و پارتی دیموکراتی کوردستان ده‌بێت له هاوپه‌یمانییه‌کدا، کاندیدێکی هاوبه‌ش وه‌کوو کاندیدی کۆتایی سه‌رۆک کۆماری راگه‌یه‌نن.
نازم ده‌باغ نوێنه‌ری هه‌رێمی کوردستانی عێراق له ئێران، له وتووێژێکدا له‌گه‌ڵ ئاژانسی هه‌واڵی "برنا" سه‌باره‌ت به هه‌ڵبژاردنی سه‌رۆک کۆماری داهاتووی عێراق ده‌ڵێت: لایه‌نگری لایه‌نه سیاسییه‌کان و رای گشتیی عێراقییه‌کان بۆ به‌رهه‌م ساڵح کاندیدی یه‌کێتی نیشتمانییه.
ئه‌و سه‌باره‌ت به هه‌ڵسه‌نگاندنی نێوان دوو کاندیدی سه‌رۆکایه‌تی کۆمار واتا هوشیار زێباری له پارتی دیموکرات و به‌رهه‌م ساڵح له یه‌کێتی نیشتمانیی ده‌ڵێت: هه‌رکام له‌مانه تایبه‌تمه‌ندی خۆیان هه‌یه. به‌ڵام رای من ئه‌وه‌یه ئه‌م دو حزبه رێکه‌ون و کاندیدێکی هاوبه‌ش بنێرنه به‌غدا، له ئێستادا یه‌کێتی له‌سه‌ر دکتور به‌رهه‌م پێداگره‌و به پێی ئه‌و لایه‌نگری و خواسته‌ی که لایه‌نه سیاسییه‌کانی عێراق و جه‌ماوه‌ر بۆیان هه‌یه، که‌سی گونجاو دکتور به‌رهه‌مه.
ده‌باغ هه‌روه‌ها ده‌ڵێت: به سه‌رکه‌وتنی دکتور به‌رهه‌م دڵخۆشم به‌ڵام وام وایه که یه‌کێتی و پارتی به هاوپه‌یمانییه‌ک یه‌ک که‌س بۆ ئه‌م پۆسته کاندید بکه‌ن.
ده‌باغ له درێژه‌دا ده‌ڵێت: به پێی زانیاری خۆم و رای گشتیی، لایه‌نگری زۆربه‌ی خه‌ڵكی عێراق بۆ سه‌رۆکایه‌تی به‌رهه‌م ساڵح ئه‌رێنییه.
ئه‌و هه‌روه‌ها پێی وایه به پێی بارودۆخی ئیستای عێراق باشترین بژارده بۆ سه‌رۆکایه‌تی وه‌زیرانی عێراق عادڵ عه‌بدولمه‌هدی‌یه.
ئه‌م کارسانه سیاسییه له کۆتاییدا سه‌باره‌ت به ده‌نگۆی هاتنه سه‌ر ده‌سه‌ڵاتی عه‌لی عه‌له‌وی وه‌زیری پێشووی دارایی ده‌ڵێت: ئه‌م ده‌نگۆیانه هه‌یه به‌ڵام من پێم وایه باشترین بژارده له بارودۆخی ئێستادا عادل عه‌بدولمه‌هدی‌یه.
دوایین هەواڵ
- نازم دەباغ: ناردنی هێزی زەمینی بۆ سەر خاکی هەرێم دوا هەنگاوی ئێران دەبێت
- نازم دەباغ لەگەڵ سەفین دزەیى بەرپرسى پەیوەندییەکانى دەرەوەی هەرێمی کوردستان کۆبۆوه
- گفتوگۆی نازنم دەباغ لەگەڵ NRT ؛ هێزی سەربازی دەچێتە سنورەکان؟ ئێران دێتە سەر خەت، سەبارەت بە راگرتنی گەشتە ئاسمانییەکان
- دیمانەی ناظم دەباغ لەگەڵ کوردسات ؛ پەیڕەوی نوێی کاری سیاسی ئێران و سعودیە و کاریگەری لەسەر هەرێمی کوردستان و عێراق
- نوێنەرایهتی حکومهتى هه‌رێمى کوردستان به‌شداری له کۆنفڕانسی نێودهوڵهتی ههندیسهی نهزمی نوێی جیهانی کرد
- بەشداری نازم دەباغ لە بەرنامەی پانارۆمای کوردستات؛ بۆچوونی ئێران لەبارەی جیابونەوەی بودجەی پارێزگای سلێمانی چییە؟
- نازم دەباغ: دەبێت یەکێتی "باجی هەڵوێستە نەتەوەییەکانی" كهم بكاتهوه بۆ پاراستنی ئه‌زموونی هه‌رێمی كوردستان
- نازم دەباغ نوێنەری حکومەتی هەرێم لە ئێران لەبارەی مەترسی ستراتیژییەتی کاری نێودەوڵەتی بۆ هەرێم قسە دەکات
- نازم دەباغ: ئێران لە ڕێگەی عێراقەوە کاردەکات و وەکو نوێنەرایەتی هەرێم ئاگاداری پەیامەکان نین
- «نازم ده‌باغ» له‌گه‌ڵ خاتوو «مایرا کوپرز» جێگری نوێنەری «یونامی» لە ئێران کۆبۆوه
- «نازم ده‌باغ» له‌گه‌ڵ بەرپرسی بەشی خۆرهەڵات و ناوەڕاستی عێراق لە وەزارەتی دەرەوەی ئێران کۆبۆوه
- نوێنەری حکوومەتی هەرێمی کوردستان لە ئێران: ئێران پێیوایە لە بەغدا سیاسەت و پڕەنسیپێک بۆ رێگەگرتن لە چالاکییەکانی دژ بە ئەو هەیە
- نازم دەباغ: ئێران رێوشوێنەکانی عێراقی بۆ کۆنتڕۆڵکردنی سنوور پێباشە
- نازم دەباغ: ئامانجی سەردانەكەی سوودانی بۆ ئێران دوو خاڵە
- نازم دەباغ: "پێشبینی دوبارەبونەوەی ڕێککەوتنێک هاوشێوەی ئەوەی جەزائیر دەکەم لەسەر کەوڵی کورد"
- نازم دەباغ: دەبێت ڕێز لە یاسا و سەروەرییەکانی هەرێمی کوردستان و ئێران بگیردرێت
- نازم دەباغ: میوانانی هەرێمی کوردستان نابێت ببنە هۆی تێکدانی ئەمن و ئاسایشی خانەخێویان
- "نازم دەباغ" لە وتووێژی تایبەت لەگەڵ ئاژانسی ئیرنا:سەبارەت بە هێزە کوردییەکانی دژی ئێران بڕیاری جیدی دەگرین / بنکەکانیان دەبێت چۆڵ بکەن
- نازم دەباغ: پێشبینی دووبارە بوونەوەی ڕێککەوتنێک هاوشێوەی ئەوەی جەزائیر دەکەم لەسەر کەوڵی کورد
- نازم دەباغ : ئەگەر حیزبەکانی ئۆپۆزیسیۆن سنوور چۆڵ نەکەن، ئێران بیر لە بژارەی دیکە دەکاتەوە
- نازم دەباغ: ئێران نایەوێت سەدرییەکان لە پێکهاتەی حکومەتی داهاتوو دووربخرێنەوە
- «نازم ده‌باغ» و «سەلام عارف روشدی» له‌گه‌ڵ «سایمۆن شێرکلیف» باڵیۆزی بهریتانیا دیداریان کرد
- «نازم ده‌باغ» له‌گه‌ڵ شاندی زانکۆی پەیام نووری ئێران کۆبۆوه
- «نازم ده‌باغ» له تاران له‌گه‌ڵ مامۆستا «عه‌لی باپیر» دیداریی کرد
- «نازم ده‌باغ» له‌گه‌ڵ خاتوو «مایرا کوپرز» جێگری نوێنەری «یونامی» لە تاران کۆبۆوه
- «نازم ده‌باغ» له‌گه‌ڵ «لویس رومرو دیاس» کۆنسولی باڵیۆزخانەی ئیسپانیا لە تاران دیداریی کرد
- نازم دەباغ: ئێران له جموجۆڵدایه بۆ نێوەدگیری نێوان پارتی و یەکێتی
- نازم ده‌باغ: بایدن كۆبوونهوه سێ قۆڵییهكهی تارانی پێشخست
- نازم دەباغ: ئێران لایەنگیریی یەکێتی و پارتی ناکات
- نازم ده‌باغ له‌گه‌ڵ خاتوو "لیدال ساکس" باڵیۆزی ئۆستڕالیا لە ئێران دیداریی کرد