"نازم دەباغ" نوێنەری حکومەتی هەرێمی کوردستان لە تاران لە وتووێژ لەگەڵ تەلەڤیزیۆنی "بی.بی.سی" BBC فارسی گوتی: هیچ بەڵگەیەک لەبەر دەستدا نییە کە "مستەفا سەلیمی" هاتبێتە ناو خاکی هەرێمی کوردستانەوە.  

"نازم دەباغ" نوێنەری حکومەتی هەرێمی کوردستان لە ئێران لە وتووێژ لەگەڵ تەلەڤیزیۆنی "بی.بی.سی" BBC فارسی وێڕای بە درۆخستەوەی گرتنی "مستەفا سەلیمی" زیندانی بەندیخانەی سەقز لە ناو خاکی هەرێمی کوردستانی عێراق گوتی: هیچ بەڵگەیەک لەبەر دەستدا نییە کە "مستەفا سەلیمی" هاتبێتە ناو خاکی هەرێمی کوردستانەوە، بە پێچەوانەوە بەڵگە هەیە کە نیشان دەدات ئەو لە دەورووبەری شاری بانە لە پارێزگای کوردستانی ئێران گیراوە.

گوتیشی: کەسانێک هەن کە بۆ داڕشتنی ئەم پیلان و بوختانانە، بە شوێن کەمکردنەوەی متمەمانەی هەرێمی کوردستان، خەڵکی و هەروەها یەکێتی نیشتمانی کوردستانن، کە بەم کارەی ئەوان ئەو متمانەیە کەمنابێتەوە و لەم کارەشیاندا سەرکەوتوو نابن.