امروز: 5شەممە 28 ئازار 2024 برابر با 28 ئازار 2024

‌لێدوانی نوێنەری حكومەتی هەرێم لە ئێران سەبارەت بەسەردانی پارێزگاری هەولێر بۆ پارێزگای ئورمیە

وێستگە نیوز- پشتیوان جەمال

نوێنەری حكومەتی هەرێم لە كۆماری ئیسلامی ئێران رایدەگەیەنێت سەردانی پارێزگاری هەولێر بۆ پارێزگای ئورمیە بەمەبەستی چالاككردنەوەی پەیوەندییەكانیانە و دەڵێت "یان بەشێك بێت لەو سیاسەتەی كە حكومەتی هەرێم و پارتی دیموكراتی كوردستان بیانەوێت پەیوەندییەكانیان لەگەڵ كۆماری ئیسلامی ئێران ئاساییتر بكەن".
 
لەم هەفتەیەدا نەوزاد هاودی، پارێزگاری هەولێر و شاندێكی یاوەری سەردانی پارێزگای ئورمیەیان لە كۆماری ئیسلامی ئێران كرد، نازم دەبباغ، نوێنەری حكومەتی هەرێمی كوردستان لە كۆماری ئیسلامی ئێران بە وێستگە نیوزی راگەیاند، ئەو سەردانە گەڕانەوەیە بۆ باشتركردنەوەی ئەو پەیوەندییانەی كە كاتی خۆی پارێزگای هەولێر لەگەڵ پارێزگای ئورمیە هەیبوو بۆ چالاككردنەوەی بوارەكانی ئابووری.
 
دەربارەی ئەوەی بۆچی لەو سەردانە تەنها پارێزگاری هەولێر هاتووە، لە كاتێكدا سلێمانی و هەولێریش پارێزگاریان هەیە، دەبباغ وتی "پەیوەندی بە چالاكی پارێزگاكان خۆیان هەیە، هەروەها بەهۆی ئەوەی مەرزی هاوبەشیان هەیە، پاشان پارێزگارەكان چەند هەوڵ دەدەن پەیوەندییەكانیان لەگەڵ كۆماری ئیسلامی ئێران نوێ بكەنەوە".
 
ناوبراو وتیشی "یاخود ئەوەش بەشێك بێت لەو سیاسەتەی كە حكومەتی هەرێم و پارتی دیموكراتی كوردستان بیانەوێت پەیوەندییەكانیان لەگەڵ كۆماری ئیسلامی ئێران ئاساییتر بكەن".
 
ئەو سەردانەی پارێزگاری هەولێر لە كاتێكدایە ماوەیەك لەمەوبەر شاندی حكومەتی هەرێمیش بە سەرۆكایەتی نێچیرڤان بارزانی سەرۆكی حكومەتی هەرێم سەردانی ئێرانییان كرد، دەوترێت پارتی دەیەوێت پەیوەندییەكانی لەگەڵ ئەو وڵاتە ئاسایی بكاتەوە.
 

 

نوێنەری حكومەتی هەرێم وتی "بەدڵنیاییەوە پارتی دیموكراتی كوردستان و حكومەتی هەرێم لە دوای ریفراندۆمەوە لە هەوڵێكی جددییدا بوون بۆ ئەوەی پەیوەندییەكانیان لەگەڵ ئێران ئاسایی بكەنەوە".

 

Read کد خبر: 573

دوایین هەواڵ

راپۆڕتەکانی پڕ بینەر

حالت های رنگی