ده‌قی پرسه‌نامه‌كه‌:
بۆ :بنه‌ماڵه‌ی به‌ڕێز د.كه‌مال فواد
م.س یه‌كێتیی نیشتمانیی كوردستان

به‌ داخ و په‌ژاره‌یه‌كی زۆره‌وه‌، هه‌واڵی كۆچی دوایی د.كه‌مال فواد سێیه‌مین سه‌رۆكی په‌رله‌مانی كوردستان و ئه‌ندامی دامه‌زرێنه‌ر و مه‌كته‌بی سیاسی یه‌كێتی نیشتیمانی كوردستانمان بیست، كه‌ ماوه‌ی چه‌ندین ساڵه‌ به‌ده‌ست نه‌خۆشییه‌كی كوشنده‌وه‌ ده‌ناڵێنێت و دوێنێ شه‌و له‌ به‌رلینی پایته‌ختی ئه‌ڵمانیا كۆچی دوایی كرد.
دكتۆر كه‌مال فواد، له‌ كۆڕی خه‌باتی سیاسی و نه‌ته‌وایه‌تی كورددا كه‌سایه‌تییه‌كی دیار و كاریگه‌ر بوو، له‌ قۆناغێكی هه‌ستیاری میلله‌ته‌كشماندا سه‌رۆكی په‌رله‌مانی كوردستان بوو، له‌ وێستگه‌ جیاوازه‌كانی ژیانی سیاسیشیدا چه‌ندین پۆست و به‌رپرسیارییه‌تی هه‌بووه‌، له‌ بواری ڕۆژنامه‌نووسی و ئه‌ده‌بیاتیشدا كه‌سایه‌تییه‌ك بوو خزمه‌تێكی زۆری به‌ بزاڤی ئه‌ده‌بی و ڕۆژنامه‌نووسی كورد كرد، به‌تایبه‌تیش ساغكردنه‌وه‌ی مێژووی ده‌رچوونی ڕۆژنامه‌ی كوردستان، یه‌كه‌مین ڕۆژنامه‌ی كوردی له‌ قاهیره‌.
هه‌ربۆیه‌ لێره‌وه‌ سڵاو ده‌نێرین بۆ گیانی پاكی دكتۆر كه‌مال فواد و داواكارین له‌ خوای گه‌وه‌ره‌و میهره‌بان ناوبراو به‌ به‌هه‌شتی به‌رین شاد بكات و سه‌بوری ئێوه‌ و هه‌مو دۆستانی بداته‌وه‌.

انا للـه‌ و انا الیه‌ راجعون

د.یوسف محه‌مه‌د سادق
سه‌رۆكی په‌رله‌مانی كوردستان
16-11-2014