امروز: هەینی 19 نیسان 2024 برابر با 19 نیسان 2024

   هەواڵەکان

   هەواڵەکان (501)

هەواڵەکان

دوو شەممە, 09 ئاب 2021

بەپێی سەرچاوە ڕاگەیاندنەکان، وەزارەتی دەرەوەی کۆماری ئیسلامی ئێران ڕۆژی هەینی لە ڕاگەیەنراوێکدا بڵاویکردەوە" دانانی ئاڵای کوردستان لە مەراسیمی پێشوازیکردن لە سەرۆکی هەرێمی کوردستان لە فڕۆکەخانە هەڵەیەکی پڕۆتۆکۆلی بووە، لەم وتووێژەدا نازم دەباغ نوێنەری حکومەتی هەرێمی کوردستان لە تاران لە وەڵامی ئەوەی کێ ئەو ئاڵایەی داناوە وا کۆماری ئیسلامی دەڵێت هەڵەی پڕۆتۆکۆلی بووە، دەباغ دەڵێت"من ئه‌گه‌ر بمزانیایه‌ ده‌موت به‌ڵام له‌گه‌ڵ من په‌یوه‌ندی کرا وه‌کو نوێنه‌ری حکومه‌ت ئایا من چیم ئاگا لێیه‌؟ وتم باشترین ده‌لیل و به‌ڵگه‌ ئه‌وه‌یه‌ خۆتان سه‌یری دووربینه‌کانی فڕۆکه‌خانه‌ (کامێراکانی چاودێری) بکه‌ن ئه‌وانه‌ی ده‌زانن کێ هاتووه‌ و کێ چووه‌ و کێ ئه‌و ئاڵایه‌شی داوه‌ته‌ ده‌ست ئه‌و سه‌ربازه‌، به‌ڵێ لایه‌نی ئێرانی پرسیاریان لێکردم، دەشڵێت"زۆرجار هه‌بووه‌ وڵاتان ئاڵای کوردستانیشیان هه‌ڵداوه‌ به‌ڵام ڕاستگۆ نه‌بوون له‌گه‌ڵ کورد، ئێران له‌سه‌ره‌تاوه‌ هه‌تا ئه‌مڕۆ ڕاستگۆیه‌کی تێدا هه‌بووه‌ به‌رامبه‌ر به‌ کورد وه‌کو پشتیوانی له‌ مافه‌ ڕه‌واکانی به‌ڵام له‌چوارچێوه‌ی ده‌ستوری هه‌میشه‌یی عێراق."

"ئەمە خۆی له‌خۆیدا په‌یامێکی گرنگه‌ "

لەسەرەتای وتووێژەکەدا نوێنەری حکومەتی هەرێمی کوردستان لە تاران دەربارەی بەشداری کردنی شاندی هەرێمی کوردستان لە مەراسیمی سوێندخواردنی سەرۆک کۆماری ئیسلامی نوێی ئێران دەڵێت" من پێموایه‌ له‌ هه‌ر بۆنه‌یه‌کدا به‌تایبه‌تی وڵاتانی دراوسێ به‌گشتیش وڵاتانی دنیا له‌کاتێکدا که‌ مه‌راسیمیان ده‌بێت ئینشائه‌ڵا هه‌مووی ده‌بێت بۆ خۆشی بێت، جا چ خۆشی بێت یان ناخۆشی بێت گرنگه‌ که‌ به‌سه‌رده‌کرێنه‌وه‌ و به‌رپرسان وڵاتیان بانگهێشت ده‌کرێت بۆ مه‌راسیمێکی ئاوا که‌ ده‌یان و سه‌دان جاری واهه‌یه‌ بێگانه‌ی لێیه‌، غه‌یری خه‌ڵکی ئێران ئاماده‌بوونی ئه‌وان گرنگه‌ بۆ گه‌یاندنی بۆ ئه‌وه‌ په‌یامه‌ی یه‌که‌م په‌یوه‌ندییه‌کان باشن، دووه‌میش ئه‌وه‌یه‌ ئه‌م وڵاته‌ ئه‌وانیان له‌بیره‌ که‌ بۆ ئه‌و بۆنانه‌ بانگهێشتیان ده‌کات بۆیه‌ به‌بڕوای من بانگهێشتکردنی سه‌رۆکی هه‌رێمی کوردستان و سه‌رۆکی په‌رله‌مانی کوردستان به‌شاندێک پێکهاتبوون له‌ لایه‌نه‌ سیاسیه‌کانی هه‌رێمی کوردستان ئه‌مه‌ خۆی له‌خۆیدا په‌یامێکی گرنگه‌."

 

"ئه‌وه‌ی ئه‌م کاره‌ی کرد هه‌ڵه‌یه‌کی پڕۆتۆکۆلی کردبوو به‌لانی که‌مه‌وه‌ که‌ ئاڵای کوردستانی هه‌ڵده‌کرد ده‌بووایه‌ ئاڵای عێراقیشی له‌ته‌نیشت بووایه‌ "

لە مەراسیمی پێشوازی کردن لە سەرۆکی هەرێمی کوردستان-عێراق، لە فڕۆکەخانەی نێودەوڵەتی تاران ئاڵای کوردستان دانرابوو، بەڵام دواتر وەزارەتی دەرەوەی ئێران لە ڕاگەیەنراوێکدا بڵاویکردەوە کە دانانی ئاڵای هەرێمی کوردستان هەڵەیەکی پڕۆتۆکۆلی بووە"

سەبارەت بەو ڕاگەیەنراوەی وەزارەتی دەرەوەی ئێران کە میدیا لۆکاڵییەکانی هەرێمی کوردستان باسی لێوە دەکەن، نازم دەباغ وتی" به‌ڵێ ئه‌وه‌ی من ئاگاداربووم له‌ ڕۆژی یه‌که‌میشدا که‌ پێشوازی له‌ به‌ڕێز کاک نێچیرڤان کرا ئه‌و مشتومڕه‌ دروستبوو له‌سه‌ر ئاڵای کوردستان به‌ڵام ئه‌وه‌ی ئه‌م کاره‌ی کرد هه‌ڵه‌یه‌کی پڕۆتۆکۆلی کردبوو به‌لانی که‌مه‌وه‌ که‌ ئاڵای کوردستانی هه‌ڵده‌کرد ده‌بووایه‌ ئاڵای عێراقیشی له‌ته‌نیشت بووایه‌."

" لایه‌نی ئێرانی پرسیاریان لێکردم.... "

لە وەڵامی ئەو پرسیارەی ئایا کێ ئەو هەڵە پڕۆتۆکۆلیەی ئەنجامداوە (وەک خۆت دەڵێی)؟ نازم دەباغ دەڵێت" من ئه‌گه‌ر بمزانیایه‌ ده‌موت به‌ڵام له‌گه‌ڵ من په‌یوه‌ندی کرا وه‌کو نوێنه‌ری حکومه‌ت ئایا من چیم ئاگا لێیه‌؟ وتم باشترین ده‌لیل و به‌ڵگه‌ ئه‌وه‌یه‌ خۆتان سه‌یری دووربینه‌کانی فڕۆکه‌خانه‌ (کامێراکانی چاودێری) بکه‌ن ئه‌وانه‌ی ده‌زانن کێ هاتووه‌ و کێ چووه‌ و کێ ئه‌و ئاڵایه‌شی داوه‌ته‌ ده‌ست ئه‌و سه‌ربازه‌؟ به‌ڵێ لایه‌نی ئێرانی پرسیاریان لێکردم."

پێت وایە ئەو ڕاگەیەنراوەی ئێران بۆ ڕازی کردنی دڵی ئەو لایەنانە بوو کە نیگەران بوون لە دانانی ئەو ئاڵایە؟

لەوەڵامدا نازم دەباغ وتی" من پێموایه‌ خۆی له‌خۆیدا بانگهێشت کردن و په‌یوه‌ندییه‌کانی کۆماری ئیسلامی ئێرانی له‌وه‌ گه‌وره‌تره‌ له‌به‌رخاتری چه‌ند لایه‌نێک ستراتیژی خۆی بگۆڕێت چونکه‌ په‌یوه‌ندییه‌کانی له‌گه‌ڵ هه‌رێمی کوردستان له‌چوارچێوه‌ی عێراقێکی یه‌کپارچه‌ و ده‌ستوری عێراقیدایە، هه‌میشه‌ کۆماری ئیسلامی ئێران پشتیوانی کردووه‌ به‌ڵام وتم له‌ڕووی پڕۆتۆکۆلیه‌وه‌ به‌ته‌نها ئاڵای کوردستان مانای ده‌وڵه‌ت بوون ده‌دات بۆیه‌ به‌ هه‌ڵه‌یه‌کی پرۆتۆکۆلی له‌قه‌ڵه‌م ده‌درێت چونکه‌ ئاڵای عێراقی له‌ته‌نیشت نه‌بووه‌، ئه‌وه‌ ده‌به‌سترێته‌وه‌ به‌ سیاسه‌تی کۆماری ئیسلامی ئێرانی له‌ پێشوازیه‌که‌ و شێوازی پێشوازیان نه‌گۆڕی بۆ سه‌رۆکی هه‌رێمی کوردستان چ له‌لایه‌ن سه‌رۆک کۆماره‌وه‌ پێشوازی لێکرا چ له‌لایه‌ن سه‌رۆک په‌رله‌مانه‌وه‌ هه‌روه‌ها لایه‌نه‌ به‌پرسه‌کانی تری کۆماری ئیسلامی ئێرانی له‌ په‌یوه‌ندییه‌کانی هه‌رێمی کوردستانی عێراقدا."

" له‌پرۆتۆکۆلی سه‌رۆکی هه‌رێمی کوردستان ئه‌م داوایه‌ کرابوو "

نوێنەری حکومەتی هەرێمی کوردستان لە تاران ئەوەشی وت"به‌ڵێ له‌پرۆتۆکۆلی سه‌رۆکی هه‌رێمی کوردستان ئه‌م داوایه‌ کرابوو که‌ هه‌رێمی کوردستانیش خاوه‌ن ئاڵایه‌ له‌چوارچێوه‌ی عێراقدا و له‌گه‌ڵ ئاڵای عێراقدا دابنرێت، مشتومڕێک هه‌بوو به‌ڵام ئه‌وه‌ بوو کاتێک که‌ جه‌نابی کاک نێچیرڤان گه‌یشت ئێمه‌ چووین بۆ پێشوازی بینیمان ته‌نها ئاڵاکه‌ی کوردستان هه‌ڵدراوه‌ ده‌ستبه‌جێ دوای چه‌ند سه‌عاتێک نیگه‌رانی لێ دروست بوو به‌ڵام وه‌کو وتم سه‌ردانه‌که‌ گرنگ بوو نه‌ک شێوه‌ شه‌کلیه‌که‌، زۆرجار هه‌بووه‌ وڵاتان ئاڵای کوردستانیشیان هه‌ڵداوه‌ به‌ڵام ڕاستگۆ نه‌بوون له‌گه‌ڵ کورد، ئێران له‌سه‌ره‌تاوه‌ هه‌تا ئه‌مڕۆ ڕاستگۆیه‌کی تێدا هه‌بووه‌ به‌رامبه‌ر به‌ کورد وه‌کو پشتیوانی له‌ مافه‌ ڕه‌واکانی به‌ڵام له‌چوارچێوه‌ی یاسای سه‌ره‌کی عێراقی واته‌ ده‌ستوری هه‌میشه‌یی عێراق، وه‌ پارێزگاری له‌ یه‌کپارچه‌یی عێراق."

بە بۆچونی تۆ کۆماری ئیسلامی ئێران لێکۆڵینەوە دەکات لەوەی کێ ئەو ئاڵایە (ئاڵای کوردستانی) لە مەراسیمی پێشوازی کردن لە سەرۆکی هەرێم دانا؟ نازم دەباغ بەمشێوەیە وەڵامی دایەوە" من نازانم ئه‌وه‌ کاری خۆیانه‌ بیکات یان نه‌یکات."

 

"ناوەڕۆکی کۆبونەوەکانی سەرۆک کۆماری عێراق و سەرۆکی هەرێم لەگەڵ سەرۆک کۆماری ئێران "

دەربارەی ناوەڕۆکی کۆبونەوەکانی سەرۆک کۆماری ئێران لەگەڵ هەریەکە لە سەرۆک کۆماری عێراق و سەرۆکی هەرێمی کوردستان؟ نازم دەباغ وتی" ناوه‌ڕۆکی ئه‌و کۆبونه‌وانه‌ شتی شاراوه‌ی ئه‌وتۆی تێدا نه‌بووه‌ به‌ڵام په‌یامی تێدابووه‌ به‌وه‌ی که‌ کۆماری ئیسلامی ئێرانی و حکومه‌تی هه‌رێمی کوردستان به‌باشی ده‌زانن و په‌سه‌ندی ده‌که‌ن که‌ په‌یوه‌ندییه‌کان پته‌وبن و به‌هێزبن، وه‌ له‌هه‌موو قۆناغه‌کانی ڕابردوو له‌ ئێستا بۆ ئاینده‌ش له‌سه‌ری به‌رده‌وام ده‌بێت، بۆ ئێمه‌ گرنگه‌ ئه‌من و ئاسایشی ئێران و ئاسایشی هه‌رێمی کوردستان، پاراستنی له‌ به‌رژه‌وه‌ندی هه‌رێمی کوردستان و کۆماری ئیسلامی ئێرانیدایه‌ بۆیه‌ ته‌ئکید له‌سه‌ر ئه‌وه‌ کراوه‌ته‌وه‌ هه‌م له‌لایه‌ن سه‌رۆک کۆماری ئێران و هه‌م له‌لایه‌ن سه‌رۆکی په‌رله‌مان که‌ له‌هه‌موو بواره‌کانی ئه‌منی و ئاسایشی و سیاسی ئه‌و جوگرافیایه‌ی ئێمه‌ هه‌مانه‌ مه‌حکومان ده‌کات به‌وه‌ی که‌ له‌ په‌یوه‌ندیه‌کی باشدا بین هه‌روه‌کو له‌ ڕابردوو ئینشائه‌ڵا بۆ ئاینده‌ش هه‌روا بێت."

لە وەڵامی ئەو پرسیارەی ئایا شاندەکەی هەرێم لەسەردانەکەیاندا بۆ مەراسیمی سوێندخواردنی سەرۆک کۆماری نوێی کۆماری ئیسلامی ئێران باسیان لەو نیگەرانیانە کرد کە هەندێکجار باس لەوەدەکرێت گروپە میلیشیاکانی نزیک لە کۆماری ئیسلامی ئێران بەرپرسن لەو هێرشانەی دەکرێنە سەر هەولێر و چەند ئامانجێکی تر لە شوێنە جیاوازەکانی عێراق؟

لە وەڵامدا نازم دەباغ وتی" به‌گشتی باس له‌وه‌ کراوه‌ که‌ ئه‌و ده‌ستانه‌ی له‌ تێکدانی ئارامی و ئاسایشی وڵاتدا له‌لایه‌ن کۆماری ئیسلامی ئێرانه‌وه‌ ڕه‌تده‌کرێته‌وه‌، من کاتی خۆی له‌ زۆر به‌ربرسی ئێرانیم بیستووه‌ ده‌ڵێن ئه‌مانه‌ له‌ جیاتی ئێمه‌ شه‌ڕ نه‌که‌ن ئه‌گه‌ر شه‌ڕ بکه‌ین خۆمان ده‌یکه‌ین بۆ به‌ موشه‌کێک و پشێوی دروستکردن ئه‌م کاره‌ ده‌کرێت، بۆیه‌ به‌تایبه‌تیش له‌ وتاره‌که‌ی سه‌رۆکی کۆماری ئیسلامی ئێراندا که‌ وتی ئێمه‌ به‌ لاپه‌ڕه‌یه‌کی تازه‌ سیاسه‌تی خۆمان له‌ ناوچه‌که‌ و له‌ نێوده‌وڵه‌تی ده‌که‌ین واته‌ سیاسه‌تێکی میانڕه‌وی نیشاندا بۆ وتوێژکردن و سه‌رکه‌وتنی له‌چوارچێوه‌ی پاراستنی به‌رژه‌وه‌ندییه‌کانی کۆماری ئیسلامی ئێران و ڕێزگرتن له‌ سه‌روه‌رییه‌کانی، وه‌کو وتم ئێران ته‌ئکید له‌سه‌ر ئه‌وه‌ ده‌کاته‌وه‌ له‌گه‌ڵ پاراستنی ئه‌من و ئاسایشی هه‌رێمی کوردستان و عێراق و ئێرانن پێویستمان به‌ هاوکاری به‌رده‌وام هه‌یه‌ که‌ نه‌هێڵن ئه‌م ڕووداوانه‌ ڕووبدات چونکه‌ ئه‌و ڕووداوه‌ بچوکانه‌ خزمه‌ت ناکات، پشێوی دروست ده‌کات به‌ڵام خزمه‌ت ناکات."

سەبارەت بە کاریگەری دەستبەکاربونی سەرۆک کۆماری نوێی ئێران لەسەر پەیوەندییەکانی عێراق و هەرێمی کوردستان لەگەڵ کۆماری ئیسلامی ئێران؟ نوێنەری حکومەتی هەرێمی کوردستان وتی" پێموایه‌ ده‌ستپێکردنی کاری سه‌رۆکی تازه‌ی کۆماری ئیسلامی ئێران ده‌ستپێکێکی تر ده‌بێت بۆ پته‌وکردنی په‌یوه‌ندییه‌کان، به‌دواداچوونی ئه‌و ڕێککه‌وتنه‌ کۆنانه‌ی هه‌بووه‌، وه‌ هه‌وڵیش بدرێت شتی تازه‌ بکرێت بۆ پشتیوانی و پته‌وکردنی په‌یوه‌ندییه‌ کۆنه‌کان ."

 

https://www.dengiamerika.com/a/iran/5995699.html

پێنج شەممە, 05 ئاب 2021

"نێچیرڤان بارزانی" سەرۆکی هەرێمی هەرێمی کوردستان گەیشتنە شاری تاران

"نێچیرڤان بارزانی" سەرۆکی هەرێمی کوردستان بە سەرۆکایەتی شاندێکی باڵای گەیشتە تاران و لە لایەن دکتۆر کازمی نێردراویی تایبەتی سەرۆک کۆماری ئێران و موهەندیس "حەسن دانایی فەڕ" باڵیۆزی پێشووی ئێران لە وڵاتی عێراق پێشوازیی لێکرا. 

"نێچیرڤان بارزانی" سەرۆکی هەرێمی کوردستان، کاتژمێر 2ی دوانیوەڕۆی ئەمڕۆ پێنجشەمە 5ی ئۆگۆستی 2021 بە سەرۆکایەتی شاندێکی باڵای حکومەتی هەرێمی کوردستان، بۆ بەشداریی لە ڕێوڕەسمی سوێندخواردنی سەید "ئیبڕاهیم ڕەئیسی" هەشتەمین سەرۆک کۆماری ئیسلامی ئێران؛ لەسەر بانگهێشتێکی فەرمی بەرپرسانی ئێرانی لە ڕێگای پاڤیۆنی جومهووری فڕۆکەخانەی مێهرئابادی شاری تاران گەیشتنە پێتەختی وڵاتی ئێران و لە لایەن دکتۆر کازمی نێردراویی تایبەتی سەرۆک کۆماری ئێران و موهەندیس "حەسن دانایی فەڕ" باڵیۆزی پێشووی ئێران لە وڵاتی عێراق پێشوازیی گەرمیان لێکرا.

له ڕێوڕه‌سمی پێشوازیی سەرۆکی هەرێمی کوردستان، هه‌ندێک له به‌رپرسانی ئێرانی و هه‌روه‌ها "فەوزی حەریری" سەرۆکی دیوانی سەرۆکایەتی هەرێمی کوردستان، "نازم دەباغ" نوێنەری حکومەتی هەرێمی کوردستان لە ئێران، "سەلام عارف روشدی" جێگری نوێنەری حکومەتی هەرێمی کوردستان لە تاران و "عەبدوڵڵا ئاکرەیی" بەڕێوەبەریی گشتیی پەیوەندییەکانی نێوان حکومەتی هەرێمی کوردستان و کۆماری ئیسلامی ئێران ئاماده‌بوون. 

سەید "ئیبڕاهیم ڕەئیسی" کاتژمێر 5ی دوانیوەڕۆی ئەمڕۆ پێنجشەمە 5ی ئۆگۆستی 202 وەکوو هەشتەمین سەرۆک کۆماری ئیسلامی ئێران، بە ئامادەبوونی 115 بەرپرسی فەرمی لە 73 وڵاتی جۆراوجۆری جیهان ئامادەدەبن کە بریتین لە: 10 کەسایەتی لە سەرۆکی وڵاتان، 20 سەرۆکی پەرلەمان، 11 وەزیری دەرەوە، 10 وەزیری دیکە، نێردراوی سەرۆکی دەوڵەتەکان، نوێنەرانی سەرۆکی پەرلەمانەکان، شاندەکانی پەرلەمان، بەرپرسان و هەورەها نوێنەرانی 11 ڕێکخراوەی نێودەوڵەتی و ناوچەیی.لە پەرلەمانی ئەم وڵاتە سوێندی یاسایی دەخوات.

 

 

 

چوار شەممە, 04 ئاب 2021

خاتوو "ڕێواز فایق" سەرۆکی پەرلەمانی هەرێمی کوردستان بە یاوەریی شاندێکی باڵای هەرێمی کوردستان، گەیشتە شاری تاران و لە لایەن "نازم دەباغ" نوێنەری حکومەتی هەرێمی کوردستان لە ئێران و "سەلام عارف روشدی" جێگری نوێنەری حکومەتی هەرێمی کوردستان پێشوازییان لێکرا. 

 

خاتوو "ڕێواز فایق" سەرۆکی پەرلەمانی هەرێمی کوردستان، کاتژمێر 10ی شەوی پێنجشەمە 5ی ئۆگۆستی 2021 بە یاوەریی شاندێکی باڵای هەرێمی کوردستان، پێکهاتوو لە: "فەوزی حەریری" سەرۆکی دیوانی سەرۆکایەتی هەرێمی کوردستان، "محەمەد حەمە سەعید" وەزیری ڕۆشنبیری و لاوان، خاتوو "کوێستان محەمەد" وەزیری کار و کاروباری کۆمەڵایەتی و "پشتیوان سادق" وەزیری ئەوقاف و کاروباری ئایینی حکومەتی هەرێمی کوردستان، بۆ بەشداریی لە ڕێوڕەسمی سوێندخواردنی سەید "ئیبڕاهیم ڕەئیسی" هەشتەمین سەرۆک کۆماری ئیسلامی ئێران؛ لە ڕێگای پاڤیۆنی دەوڵەتی فڕۆکەخانەی مێهرئابادی شاری تاران گەیشتنە پێتەختی وڵاتی ئێران و لە لایەن خاتوو "شیوا پوورقاسمی" نوێنەری شاری مەریوان لە پەرلەمانی ئێران، "نازم دەباغ" نوێنەری حکومەتی هەرێمی کوردستان لە ئێران، "سەلام عارف روشدی" جێگری نوێنەری حکومەتی هەرێمی کوردستان لە تاران و هەروەها "عەبدوڵڵا ئاکرەیی" بەڕێوەبەریی گشتیی پەیوەندییەکانی نێوان حکومەتی هەرێمی کوردستان و کۆماری ئیسلامی ئێران پێشوازیی گەرمیان لێکرا. 

 

بڕیار وایە سەید "ئیبڕاهیم ڕەئیسی" کاتژمێر 5ی دوانیوەڕۆی ڕۆژی پێنجشەمە 5ی ئۆگۆستی 2021 وەکوو هەشتەمین سەرۆک کۆماری ئیسلامی ئێران، لە پەرلەمانی ئەم وڵاتە سوێندی یاسایی بخوات و شاندی باڵای هەرێمی کوردستان بە سەرۆکایەتی "نێچیرڤان بارزانی" سەرۆکی هەرێمی کوردستان بە فەرمی بۆ بەشداریی لەم ڕێوڕەسمەدا بانگهێشت کراوە.

 

بە وتەی سەید "نیزامەدین مووسەوی" وتەبێژی لێژنەی سەرۆکایەتی پەرلەمانی ئێران، بە لەبەرچاوگرتنی باروودۆخی کۆڕۆناییدا لە سێزدەیەمین ڕێوڕەسمی سوێندخواردنی سەرۆکی کۆماری ئێران، 115 بەرپرسی فەرمی لە 73 وڵاتی جۆراودۆری جیهان ئامادەدەبن کە بریتین لە: 10 کەسایەتی لە سەرۆکی وڵاتان، 20 سەرۆکی پەرلەمان، 11 وەزیری دەرەوە، 10 وەزیری دیکە، نێردراوی سەرۆکی دەوڵەتەکان، نوێنەرانی سەرۆکی پەرلەمانەکان، شاندەکانی پەرلەمان، بەرپرسان و هەورەها نوێنەرانی 11 ڕێکخراوەی نێودەوڵەتی و ناوچەیی.

 

چوار شەممە, 04 ئاب 2021

"نازم دەباغ" نوێنەری حکومەتی هەرێمی کوردستان لە ئێران لە وتووێژ لەگەڵ "ڕووداو" گوتی: ڕۆڵی هەرێمی کوردستان لە چارەسەرکردنی ئەو بابەتانەی کە پەیوەندیی بە عێراقەوە هەیە گرینگە. 

 "نازم دەباغ" نوێنەری حکومەتی هەرێمی کوردستان لە تاران لە وتووێژ لەگەڵ کەناڵی تەلەڤیزیۆنی "ڕووداو" Rudaw سەبارەت بە سەردانی "نێچیرڤان بارزانی" سەرۆکی هەرێمی کوردستان بۆ وڵاتی ئێران گوتی: بەڕێز کاک "نێچیرڤان بارزانی" سەرۆکی هەرێمی کوردستان بە سەرۆکایەتی شاندێکی باڵا لە بەرپرسانی حکومەتی هەرێمی کوردستان، بۆ بەشداریی لە ڕێوڕەسمی سوێندخواردنی سەید "ئیبڕاهیم ڕەئیسی" هەشتەمین سەرۆک کۆماری ئیسلامی ئێران؛ پێش نیوه‌ڕۆی سبه‌ی پێنجشەمە ٥ی ئۆگۆستی 2021 سەردانی شاری تارانی پێتەختی وڵاتی ئێران دەکات و لەم سەردانە فه‌رمییه‌دا لەگەڵ هەندێک لە بەرپرسانی باڵای ئێران و وڵاتانی دیکەی جیهان، دیدار و چاوپێکەوتن دەکات.   

 هه‌روه‌ها سه‌باره‌ت به سەردانی سەرۆکی په‌رله‌مانی هەرێمی کوردستان و شاندی باڵای حکومەتی هەرێمی کوردستان بۆ تاران گوتی: خاتوو "ڕێواز فایق" سەرۆکی په‌رله‌مانی هەرێمی کوردستان به هاوڕێیه‌تی له‌گه‌ڵ شاندی باڵای حکومەتی هەرێمی کوردستان، کاتژمێر ٦:٣٠ ئێوارێی ئەمڕۆ چوارشەمە 4ی ئۆگۆستی 2021 به سەردانێکی فه‌رمی بۆ بەشداریی لە ڕێوڕەسمی سوێندخواردنی سەید "ئیبڕاهیم ڕەئیسی" هەشتەمین سەرۆک کۆماری ئیسلامی ئێران ده‌گه‌نه شاری تاران. 

 نوێنەری حکومەتی هەرێمی کوردستان لە ئێران سەبارەت بە پێگە و ڕۆڵی هەرێمی کوردستان لە چارەسەرکردنی کێشەکانی عێراق و ناوچەکە گوتی: هەروەها ڕۆڵی هەرێمی کوردستانیش لە چارەسەرکردنی ئەو بابەتانەی کە پەیوەندیی بە عێراقەوە هەیە گرینگە کە ئەمڕۆکە بە بارێکی ناهەمواردا تێدەپەڕێت و لە ژێر چاودێری دژەتیڕۆر دایە. چاوەڕوانی ئەوە دەکرێت کە وەکوو هەمیشە پەیوەندییەکان بەردەوام و بەهێز بن و ڕۆڵی کورد لە چارەسەرکردنی کێشەکانی ناوچەکە و هەروەها کێشەکانی عێراق و پاراستنی ئەمن و ئاسایشی ناوچە و هەرێمی کوردستان گرینگ و کاریگەرە. 

 شاندی باڵای هەرێمی کوردستان بە سەرۆکایەتی "نێچیرڤان بارزانی" کە لە ڕێوڕەسمی سوێندخواردنی سەید "ئیبڕاهیم ڕەئیسی" سەرۆک کۆماری ئیسلامی ئێران بەشداریی دەکەن، بریتین لە: "سەفین دزەیی" بەرپرسی فەرمانگەی پەیوەندییەکانی دەرەوە، "محەمەد حەمە سەعید" وەزیری ڕۆشنبیری و لاوان، خاتوو "کوێستان محەمەد" وەزیری کار و کاروباری کۆمەڵایەتی و حکومەتی هەرێمی کوردستان، خاتوو "ڕێواز فایق" سەرۆکی په‌رله‌مانی هەرێمی کوردستان و هەروەها "نازم دەباغ" نوێنەری حکومەتی هەرێمی کوردستان لە تاران.

شەممە, 31 تەمموز 2021

زه‌مه‌ن – هه‌رێمی كوردستان // بڕیاره‌ کۆتایی ئه‌م ھەفتەیه؛‌ ئیبراھیم رەئیسی سه‌رۆك كۆماری نوێی ئێران سوێندی یاسایی بخوات و له‌هه‌رێمی كوردستانیش جگه‌ له‌ نێچیرڤان بارزانی، شاندێكی حیزبه‌كانی پێكهێنه‌ری حكومه‌ت به‌شدارده‌بن.


نازم ده‌باخ نوێنه‌ری حكومه‌تی هه‌رێم له‌ تارانی پایته‌ختی ئێران، له‌ لێدوانێكی تایبه‌تدا به‌ "زه‌مه‌ن"ی راگه‌یاند، رۆژی پێنجشەممە ئیبراھیم رەئیسی وەک ھەشتەمین سەرۆک کۆماری نوێی ئێران سوێندی یاسایی ئەخوات.

ده‌باخ وتیشی، له‌ مه‌راسیمی سوێندخواردنی سه‌رۆك كۆماری نوێی ئێران، هه‌ریه‌ك له‌ به‌رهه‌م ساڵح سه‌رۆك كۆماری عێراق، نێچیرڤان بارزانی سه‌رۆكی هه‌رێمی كوردستان و كوێستان محه‌مه‌د وه‌زیری كار و كاروباری كۆمه‌ڵایه‌تی و پشتیوان سادق وه‌زیری ئه‌وقاف و حه‌مه‌ی حه‌مه‌سه‌عید وه‌زیری رۆشنبیری و "منیش" وه‌ك نوێنه‌ری حكومه‌تی هه‌رێم له‌ تاران ئاماده‌ی مه‌راسیمه‌كه‌ ده‌بین.

به‌وته‌ی نازم ده‌باخ، به‌پێی ئه‌و به‌رنامه‌یه‌ی دانراوه‌، سه‌رۆك كۆماری عێراق به‌یانی رۆژی پێنجشه‌ممه‌ ده‌گاته‌ تاران و وه‌فدی هه‌رێمیش، ئێواره‌ی رۆژی چوارشه‌ممه‌ یاخود به‌یانی رۆژی پێنجشه‌ممه‌ ده‌گه‌نه‌ تاران.

بڕیاره‌ رۆژی سێشەممە عەلی خامنەیی، رێبەری باڵای كۆماری ئیسلامیی ئێران دەسەڵاتەکانی ئیبراھیم رەئیسی پەسەند بکات و رۆژی پێنجشەممە رەئیسی وەک ھەشتەمین سەرۆک کۆماری نوێی ئێران سوێندی یاسایی دەخوات.

https://www.zamenpress.com/Details.aspx?jimare=48438

یەک شەممە, 18 تەمموز 2021

"نازم ده‌باغ" نوێنه‌رى حکوومه‌تى هه‌رێمى کوردستان له‌ شاری تاران، له‌گه‌ڵ مامۆستا "عه‌لی باپیر" سکرتیری حیزبی کۆمەڵی دادگەری کوردستان کۆبۆوه.

 مامۆستا "عه‌لی باپیر" سکرتیری حیزبی کۆمەڵی دادگەری کوردستان، پێش نیوه‌ڕۆی ئەمڕۆ شەمە ڕێکەوتی ١٧/0٧/20٢١ به هاوڕێیه‌تی لەگەڵ شاندی یاوەری سەردانی نووسینگەی نوێنەرایەتی حکوومەتی هەرێمی کوردستانی کرد و لە لایەن "نازم عومەر ده‌باغ" نوێنەری حکوومه‌تى هه‌رێمى کوردستان له‌ شاری تاران و نوێنەرانی لایه‌نە سیاسییەکان و هه‌روه‌ها ستافی نوێنەرایەتی پێشوازی گەرمی لێکرا.

 له‌م دیداره‌دا، مامۆستا "عه‌لی باپیر" بە گشتی باسی لە باروودۆخی عێراق و ناوچەکە و هه‌روه‌ها به تایبه‌تی باسی لە باروودۆخی هەرێمی کوردستان کرد.

 له به‌شێکی دیکه‌ی ئه‌م دانیشتنه‌دا، سکرتیری حیزبی کۆمەڵی دادگەری کوردستان، هیوای سەرکەوتنی زیاتریی بۆ نوێنەرایەتی حکومەتی هەریمی کوردستان لە ئێران کرد له ڕاپه‌ڕاندنی ئه‌رک و کاره‌کانیان له شاری تاران و پێگەی نوێنەرایەتی حکوومەتی هه‌رێمى کوردستان لە وڵاتی ئێرانی بەرز نرخاند.

پەڕەى 6 لەکۆى 84 پەڕەدا

دوایین هەواڵ

راپۆڕتەکانی پڕ بینەر

حالت های رنگی