امروز: هەینی 29 ئازار 2024 برابر با 29 ئازار 2024

نازم دەباغ باس لە گرنگی سەردانی شاندی هەرێم بۆ ئێران دەكات

نوێنەری حكومەتی هەرێم لە تاران دەڵێت، بەشداریكردنی شاندی باڵای هەرێمی كوردستان لە مەراسیمی سوێندخواردنی ئیبراهیم رەئیسی، سەرۆككۆماری نوێی ئێران، گرنگی خۆی هەیە، چونكە كۆماری ئیسلامی ئێران لە چوارچێوەی شاندی وڵاتان مامەڵەی لەگەڵ شاندی هەرێم كردووە.

نازم دەباغ، نوێنەری حكومەتی هەرێم لە تاران بە پۆڵەتیك پرێسی راگەیاند: بەشداری شاندی هەرێمی كوردستان كە پێكهاتووە لە نێچیرڤان بارزانی سەرۆكی هەرێم و رێواس فایەق سەرۆكی پەرلەمانی كوردستان و ژمارەیەك لە وەزیرەكانی حكومەتی هەرێم و فەوزی حەریری سەرۆكی دیوانی سەرۆكایەتی هەرێمی كوردستان، لە مەراسیمی سوێندخواردنی سەرۆككۆماری نوێی ئێران گرنگی خۆی هەیە.

نوێنەری حکومەتی هەرێم لە تاران وتی: بڕیارە لە پەراوێزی سەردانەكە و دوای كۆتایی هاتنی مەراسیمی سوێندخواردنی سەرۆككۆماری ئێران، سەرۆكی هەرێم و سەرۆكی پەرلەمانی كوردستان چاویان بكەوێت بە سەرۆككۆماری نوێ و سەرۆكی ئەنجومەنی شورا و بەرپرسانی باڵای كۆماری ئیسلامی ئێران.

وتیشی: گرنگیی ئەم سەردانە لەوەدایە شاندی باڵای هەرێمی كوردستان، لەسەر ئاستی شاندی وڵاتان ئەژماركراوە و مامەڵەی لەگەڵ كراوە، ئەوە نیشانەی ئەوەیە كۆماری ئیسلامی ئێران لە چوارچێوەی سیاسەتی تازە و سەرۆككۆماری تازەش دەیەوێت گەشە بە پەیوەندییەكانی بدات لەگەڵ هەرێمی كوردستان لە هەموو بوارەكاندا.

ئیبراهیم رەئیسی، لە هەڵبژاردنی ئەمساڵی سەرۆكایەتی ئێران سەركەوتنی بەدەستهێنا و رۆژی پێنج شەممە، 5 ی ئاب وەكو هەشتەمین سەرۆك سوێندی یاسایی لەبەردەمی پەرلەمانی ئێران خوارد.

 

https://politicpress.com/63054/

Read کد خبر: 875

دوایین هەواڵ

راپۆڕتەکانی پڕ بینەر

حالت های رنگی