امروز: 1شەممە 16 حوزەیران 2024 برابر با 16 حوزەیران 2024

لێدوانی نازم ده‌باغ له‌باره‌ی پێوه‌ندییه‌کانی پارته‌کانی هه‌رێمی کوردستان و ئێران

نوێنه‌ری فه‌رمی هه‌رێمی کوردستانی عێراق له‌ ئێران ڕایگه‌یاند که‌ یه‌کێتی نیشتیمانی کوردستان هاوپه‌یمانی کۆماری ئیسلامی ئێرانه‌ و هه‌رگیز ئه‌م بابه‌ته‌ی نه‌شاردۆته‌وه‌.

 
به‌پێی هه‌واڵی کوردپرێس: نازم ده‌باغ، نوێنه‌ری فه‌رمی حکوومه‌تی هه‌رێمی کوردستانی عێراق له‌ تاران له‌ دیمانه‌یه‌کی ڕۆژنامه‌وانی له‌باره‌ی پێوه‌ندییه‌کانی پارته‌کانی هه‌رێمی کوردستان و کۆماری ئیسلامی ئێران ده‌دوێت.
 ئه‌ندامی یه‌کێتی نیشتیمانی کوردستان له‌ دیمانه‌ له‌گه‌ڵ لڤین جه‌ختی کرد که‌ پارته‌که‌ی هاوپه‌یمانێکی کۆماری ئیسلامی ئێرانه‌ و هه‌رگیزیش ئه‌و بابه‌ته‌ی نه‌شاردۆته‌وه‌.
ده‌باغ زیادیشی کرد: یه‌کێتی، هاوپه‌یمانی ئێرانه‌ و ئێرانیش ده‌یهه‌وێ یه‌کێتی هاوپه‌یمانێکی به‌هێز بێت و هاوکاری دیکه‌ی پارته‌کان و لایه‌نه‌ سیاسییه‌کانی عێراق بکات بۆ جێگرکردنی ئاسایش له‌م وڵاته‌ و بونیاتنانه‌وه‌ی عێراقێکی نوێ.
له‌ به‌شێکی دیکه‌ی دیمانه‌که‌یدا، نازم ده‌باغ باسی پێوه‌ندییه‌کانی ئێران و پارتی دیموکراتی کوردستانی عێراق به‌ سه‌رۆکایه‌تی مه‌سعوود بارزانی، سه‌رۆکی هه‌رێم ده‌کات و ده‌ڵێ که‌ به‌پێچه‌وانه‌ی ئه‌و ده‌نگۆیانه‌ی هه‌ن، پارتی پێوه‌ندییه‌کی باشی له‌گه‌ڵ ئێراندا هه‌یه‌.
هه‌روه‌ها سه‌فه‌ری ئه‌م دواییانه‌ی نێچیرڤان بارزانی، سه‌رۆک وه‌زیرانی حکوومه‌تی هه‌رێمی کوردستانی بۆ ئێرانی، به‌ نموونه‌یه‌کی ئاشکرای پێوه‌ندی پته‌وی نێوان پارتی و ئێران وه‌سف کرد.
ئاماژه‌ی به‌وه‌ش دا، ته‌نانه‌ت پارته‌کانی سۆسیالیست، زه‌حمه‌تکێشان، کۆمه‌ڵی ئیسلامی و بزووتنه‌وه‌ی گۆڕان، پێوه‌ندی باشیان هه‌یه‌ له‌گه‌ڵ ئێران.

 

Read کد خبر: 260

دوایین هەواڵ

راپۆڕتەکانی پڕ بینەر

حالت های رنگی