سەر لەبەیانى ئەمرۆ یەکشەمە (22/6/2014) "توماس بروسگارد هوگست" قونسولًى شانشینى نەرویج لە تاران سەردانى نووسینگەی نوێنەرایەتىی حکوومەتى هەرێمی کوردستان لە تارانی کرد و لە لایەن "نازم عومەر دەباغ" نوێنەرى حکوومەتى هەرێمى کوردستان لە وڵاتی ئێران پێشوازی لێکرا.
لە چاوپێکەوتنەکەدا باس لە بارودۆخی ناوچەکە و عێراق بە گشتى و هەرێمى کوردستان بەتایبەتى کرا و هەروەها دوو لایەن سەبارەت بە پێشهاتەکانى هەرێمى کوردستان دواى کۆنترۆڵکردنى چەند پارێزگایەکى سوننەنشین لە لایەن گروپی تیرۆریستى "داعش "ەوە هاتن ئاخاوتن و باسی ئایندەى عێراق دواى گرتنى شاری موسڵیشیان کرد.
"توماس بروسگارد هوگست" ئامادەیی وڵاتەکەى نیشاندا بۆ بەشدارى کردنى کۆمپانیا نەرویجییەکان لە بوارە جیاوازەکاندا بۆ کارکردن و وەبەرهێنان لە هەرێمى کوردستان.