نازم عه‌مه‌ر ده‌باغ،نوێنه‌ری حکوومه‌تی هه‌رێمی کوردستان له تاران به پشت ڕاستکردنه‌وه‌ی ئه‌م هه‌واڵه بۆکوردپرێس وتی:نێچیرڤان بارزانی ڕۆژی یه‌کشه‌ممه 4ی ئه‌گێست/13ی گه‌لاوێژ،به سه‌رۆکایه‌تی شاندێکی باڵای حکوومه‌تی هه‌رێم به مه‌به‌ستی به‌شداریی له ڕێوڕه‌سمی سوێندخواردنی حه‌سه‌ن روحانی سه‌رۆکی تازه هه‌ڵبژێردراوی کۆماری ئیسلامی ئێران سه‌ردانی تاران ده‌کات.
نازم ده‌باغ ڕایگه‌یاند که سه‌رۆکی حکوومه‌تی هه‌رێمی کوردستان له‌سه‌ر بانگهێشتی فه‌رمی به‌رپرسانی کۆماری ئیسلامی دێته ئێران و هه‌ر ئه‌و ڕۆژه‌ش ده‌گه‌ڕێته‌وه.
بڕیاره پاش نیوه‌ڕۆی ئه‌مڕۆ شه‌ممه 3ی ئه‌گێست/ 12ی گه‌لاوێژ، ڕێوڕه‌سمی ته‌نفیزی شێخ حه‌سه‌ن ڕۆحانی، سه‌رۆک کۆماری حه‌وته‌می ئێران ده‌ستپێده‌کات و سبه‌ینێش هه‌ر به‌رده‌وام ده‌بێت و زۆربه‌ی سه‌رکرده‌ی وڵاتان و میوان بانگهێشت کراوه‌کانی ئه‌م رێوڕه‌سمه سبه‌ینێ یه‌کشه‌ممه ده‌گه‌نه تاران.
کۆدی بابه‌ت: 26519 | به‌روار: ۱۳۹۲/۵/۱۲ | کاتژمێر: 8 : 33